Burma Ram Feh Dan Ding Part 33

Arab Spring leh Burma

Kan theih cio vek in kan dung zarh ah President Thein Sein le Pi Suu Kyi cu Naypidaw ah nazi 2 sung an kawm aw aw.Hi hi kum 1 sungi vawi 3 an kawm awk nak kha a si.Nikum August thla ni 19 i rinlopi i an pa hnih an kawm awk i sin Burma ram politic cu a thleng aw thluh a si mai.Himi ziang ruang ah a si ti tui tum ah zoh thlang seh la.

Tunisia ram khi Africa si   si ,Muslim ram an si.President Ben Ali in kum 24 lai a rak uk nak ram a si.Economic ah Burma hnak cun an tha tuk.An that tuk ruang ah university graduate an tam tuk i,cumi ah economic thanso nak in a dawi ban lo.Graduate sisi hna hmu lo an tam tuk.Hihi pakhat  ah cun corruption  tam tuk ruang khal ah a si.President pa i nupi hi a corrupt tuk ti a si i,an mah le an sungkhat lawng an lian aw tir.

Hi tik lai ah degree ngah tlangval pakhat pa cu hna a hmuh lo ruang ah thlai hnah thlai rah leng te thawn zuar in pum a cawm aw i, vawi khat cu cupa cu na um lo  nak ding ah na um tiin police nu in a beng.Hipa thinna tuk cun a ur aw aw.i a ur awk i sin mipi thin heng cun khaw tin ah sandah an piah.Ni 10 hnu hrawng ah hi pa hi a thin.Hihi December 20010 le January 1911 ah a si.Hipa hi a thi i mipi thin heng sinsin cun thawng tam zet zet in khawpi tin ah sandah an piah vivo.

Khui tawk in ha ka theih ti ka thei nawn lovi Tunisia i mipi sandahpiah hi Burma ram hotu pa Gen.Than Shwe cun thin phu hlup  hlo in a rak thlir ring ring ti a si.President Ben Ali cu Saudi Arabia ah a tlan a tul ta,Hi hnu ah Egypt mipi pawl in an President  Hosni Mubarak cu duh lovin sandah an piah ciam co i,February 2001 ah Mubarak khal cu an bang ta. Hi hi Gen.Than Shwe le a ho pawl cun kan theih hnak in an thei.

Arab spring hlan ah cun ka run ngan zo vi,ralbawi pawl cun Pi Sui Kyi hi ziang tik hman i Burma politic i tel lo ding in thang an kam.Kan kam ngah ria e an ti ding.Suu Kyi kha hrilawk ah a tel thei lovi,cuti tho tho vin 2015 i hrilawk khal ah tel thei lo ding in an tuah cia .Cumi cu kan thei thluh ko.2015  ah Suu Kyi hi kum 70 a kim ding,Hril awk leh 2020 ah cun kum 75 a kim ding.Cumi a si ah cun Pu Victor Biak Lian i ka hnen I a sim mi a dik sin sin ding.Burtma ralkap le mipi in democracy an ngah ngai ngai tik ah cun Suu Kyi cu kum 75 lai si in a tha hnem nawn lo ding a ti.

Cutin an tum cing in tu ah cun Suu Kyi cu President in vawi 3 a tong zo i,cumi lawng si lovin parliament in a poimawh bik committee pakhat ah chairman ah an ret t  ria.

Ziang ruang ah ti le ziang ti vek in August 2011 ah President Thein Sein le Pi Suu Kyi hi an be aw aw ti cu suak leh ah kan ngan ding.

%d bloggers like this: