Burma Ram Feh Dan Ding Part 31

State Pawl le an Budget I

Chiangmai khua,Thailand  ah a si i,kei le Pu Lian Uk,1990 i Haka i si MP hrilmi cu Pu Victor Biak Lian tei inn ah thu nuam kan rel.Hihi November 2005 kum kha a si.Pu Lian Uk cun nang hi economic graduate na si i,Lai ram federal kan ngah tiki kan economic feh dan ding tla article  ngan aw la ,i ti.

Kei cun Pu Lian,ka ngan leh ke cu.A si nan a ol bik in lo sim seh la,thanso cak nak ding bik ah cun central a cozah hnen i sin sum a tam thei bik i hmuh thei tum i,cumi sum pawl cu dik zet i development hrang i hman a si mai ka ti.Cutik ah cun Pu Lian cu a mang a bang i,federal kan si hnu khal ah central i sin budget kan dil tho tho ding maw i ti.Kei cun independence kan si thei le na ti lovi,federal kan si le na ti i,federal ah cun kan nih Lairam vek i thil suak nei lo hrang ah cun central i kan nghah awk a tul nasa ka ti.Pu Lain Uk cun federal kan si hnu khal ah central i Kawl pawl kan rinsan tho tho ding maw i ti.Kei cun federal ah cun kan mai state ciar khal mah tawk i thu neih nak in kan kaihruai aw ding i,central khal ah Chin,Kachin,Shan Karen minister pawl an um ve ding,cui ruang ah central an si ruang ah Kawl lawng lawng an si cuang lo ding ka ti

Cule Pu Lian Uk cun ram dang (foreign ) i sin sum kan ngah thei lo ding maw i ti.Kei cun 1991 ah cold war a tawp i a hlan vek i Soviet Union le USA ep aw an um nawn lo hnu cun federal state pawl cu rel hlah independence ram pawl hrang hman ah ram ding i si sum dil ciam co hi a har sa zet thlang ka ti.

Economic hi subject har zet a si.Mizoram kan um lai ah tum khat cu journalist pawl i state assembly i budget an pass thu hla kan ngan thiam deuh nak ding ah tiin Finance Dept. i  middle level official 2 in ni 3 sung in zirh.Ziang maw zatcu kan thangso ve ko ding.A tawp ah thu sut nak ka nei.Khami kum hlan i Mizoram budget kha ring i in zirh mi a si i,kei cun ram pakhat maw state pakhat maw i budget  zat  news i an ngan tik ah hi nikum budget ngan mi i himi maw si an ti,himi sawn ha tiin ka sut.Kha lai kha kum 2000 a si hmang i, Mizoram budget Rs. million 12000 ti hrawng i an ngan mi bang aw lo in hmun 2 ah a um.Cu tik ah official pahnih khal cun hi mi maw a si ding aw an ti zawk rero,An thei cek ci lo ti nak a si ding.

A si len zo pawl in so state budget pawl hi thei thluh thei ti suh nak a um teng teng ke.Mizoram i state level i budget an tuah an ngan dan vun zoh lawk hnik sehla .A hmaisa bik i committee meeting an tuah nak ah state finance minister le finance committee lam i tel minister dang pawl le Members of Legislative Assembly (MLA) pawl le finance dept. i officer tum pi pawl an meeting ke.Cumi pawl in maw,cu lo khal le cumi i tuah sak mi sub-committee in maw kum 1 hrang i state budget ding cu meeting vawi tam pi  tikcu pe in an tawl rel ke.Cumi pawl le finance minister pawl i ti mi cu state level ah chief minister remti nak in an pom nghet ding.

Hihi a dik thluh kem,a tha thluh kem kan ti la la ding.Himi budget proposal hi finance minister le finance dept. i senior officer pawl in Delhi ah an keng ding.Cutik ah Delhi ah national level expert pawl in cucu an zoh ding i,an ti sual mi an rem sak ding.Cule an dilmi a tam tuk an ti le an hnuk sak ding.Cumi hnu lawng lawqng ah hi state budget hi central pom budget ah a cang ding.

Kan ram a that tik i kan zir le kan tuah ding a tam nasa ti a theih theih ding  ka zum.

%d bloggers like this: