Burma Ram Feh Dan Ding Part 21

President System Maw Prime Minister (Parliamentary) System saw  Tha Sawn?

Khawte Than So Dan Ding.

Kei ka suahnak khua hi Cerhmun a si i,ka senlai ah cun inn 60 lai an si.Ka pa’ senlai ah cun inn 120 an rak si ih.Tu ah inn 33 lai lawng an um.An rung mal zet thlang nan an thanso nak ding kan ngaihtuah sak tho tho a tul ko.

Kan khawmi pawl i hnatuan  hi mivek kan bang ciamco lo men ding nan,ziang maw te te zoh thim ding a um a si le ti ah mal te in ka run ngan ding.Kan dung kum 15 lai ah maw si UNICEF lam a si hmang i bom nak in tidai pipe an rak nei.Cule kan dung kum 5 lai ah Rev.Ngun Hlei Thang tei nupa tanlak nak in mirang an rualpi pawl in tidai i si electric lak nak te an run tuah.

Kan nau Thwm Hnin i fanu Engte i pasal Van Thawng Lian (Aalian ) in  pu i hmin in mucu (pre- primary school )building le volley court cement concrete in an tuah sak.Kei mai nau le in Taithio Clinic tiin kum tin sum an thawh khawm i sii an lei i,kan khaw pawl hrang ah sii a man hrek in an zawrh theuh.Tu nai ah Rev.Dr.Stephen Hre Kio i bom nak in Baptist bik inn thar brick in sak an thok rero i,himi biak in hrang ah kan dung te ah USA i um kan khaw mi pakhat in Ks.Ting 10 an thawh ve USA i um Ngun Thawm in kan khua ah inn 2 hrang  canphio.a lei sak.
Mai khua cio hrang ah tan la seh la,kan ram cu kan tthangso a si mai.

President Rule Prime Minister Rule Pawl

South Asia le South East Asia i democracy ram ngai ngai pawl hi zoh seh la,India hi parliamentary democracy  si i,Prime minister in thu  nei in, si nan a hmin cun President  thupi bik.Bangladesh khal India vek a si.Nepal ah siangpahrang an paih thlak hnu khal ah India dan an la.Srilanka lawng te President system in an feh.

Thailand leh Malaysia khi constutuional monarchy an si i,siangpahrang an nei i,prime minister pawl an thupi bik.Singapore hi cu tuhlan i sin parlimentry democrcy a si ring ring.Indonesia le Philippines pawl hi presidential type an si.

Indo China an rak timi ram 3 hi democracy ngai ngai cu n si hrih lo kan ti ke.Communist an rak si .Vietnam hin President a nei i,prime minister khal a nei.A si nan a thupi bik cu party general secy.  a si.Laos khal cu ti vek a si i,Cambodia hin a hmin cun siangpahrang an nei.Prime Minister Hun Sein hi Communist party hotu le primi minister si a kawp i a thupi zet.

Burm ah cun U Nu san i democracy lai ah khan kan rel zo vek in democracy ngai ngai si si centralization ( Unitary )a rak si ruang ah Taingyinta pawl in khami kha  an rak duh lo.Cule Socialist one party system lai ah kan rel zo tho tho vek in party kha a rak thupi i,cui ruang h tum khat tla ah cu U Ne Win khan party chairman sinak lawng  in India a tlawng i,President vek in an rak hmuak thei ta lo vi,poi a ti zet i ti tla a um.Kha lai ah party chairman cu dung lam in thu  nei in,Burma khan President le Prime minister an rak nei a si.

Cui hnu kum 20 tlun ralkap uk sung ah Burma ah President ti an um lo.Prime Minister ti khal rei nawn an um lo.SLORC ( State Law nd Order Restoration Council ) tiin a rak um i,cu nah General Saw Maung khal kha chairman a si i,Than Shwe khal.Cui hnu i SDPC (State Development and Peace Council )khal ah Than Shwe khan chairman vek in a kai.2003 i sin ralkap uk sisi in Prime Minister an run nei i,cu cu Gen. Khin Ngyunt kha an tuan tir.Sr.Gen.Than Shwe cu SDPC chairman in a thupi bik a si tho tho.

Tui 2008 danpi ah hian President cu a lu bik ah Burma ah an ret.Prime Minister ti hi central ah a um lo.State le division i hotu pawl khi prime minister ( India i chief minister kan ti aiah )an ti thluh.

(Suak leh ah ziang ruang ah kan ram ah parliamentry system a tul sawn ti run ngan a si ding.)

(Visited 40 times, 1 visits today)
%d bloggers like this: