Burma Ram Feh Dan Ding Part 19

2008 Danpi Thleng Can Ding

Lamzin tha kan neih a tul

Ram thanso nak ding ah cun lamzin tha kan neih vivo a tul ti cu kan thei thluh ko ding.Tu ah kan theih thluh vek in,khaw kip,ram kip i Laimi pawl tang khawm in Rih to Falam zin le Lailet to Tlangzar zintla kan lai zawk rero.Himi zin 2 hrang i sum  thawh tu pawl hmuah hmuah tlun ah lungawi thu ka sim duh.

Tu hi Falam to Khuangli zin tla a cozah le mipi pawl in an cek i,an theh zo ti ka thei i,ka lung a awi zet.Khuangli tla cu ka khua vek i ka ruah ve mi  si.Cule tu hi Khuangli i sin .Dihai tla ah motor zin ceh an tum zawk rero i lung awi  a um nasa.

Cuti vek tho tho in Falam peng  ah motor cycle zin tal i khua hmuah hmuah kan peh awk thei a tul ding.Motor cycle zin na na na cu feet 5 a koh cun  feh  thei ding i,inn 40-50 khua pawl tla cun mah te laih theih khal a si men ding.Culo khal le ramdang um aawl in mai khua hrang ah tan la cio seh la.

Suu Kyi in 2008 daanpi kan thleng ding a ti.

Himi rlkap pawl i tuah mi 2008 danpi hi ka duh lo bik mi pakht a si i,2011 i Pi Suu Kyi le President Thei Sein an biakawk hnu , Pi Suu Kyi a zalen hnu khal ah Pi Suu Kyi hin 2008 dan hi thleng a tul ding ti hi a rel mai lo.Ka thinlung te cun ka rak duh lo nasa. a si nan tui kum April thla ni 1 i hrilawk hlan isin hi dan tha lo hi kan thleng a tul ding tiin a run tong thlang.

Tui June thla sung i Thailand,Norway le Britain ram lam i a tlawn nak ah 2008  dan hi ziang tin na ruat tiin an rak sut theu i,Pi Suu Kyi cun hihi cu kn thleng  a tul ko,a  si nan himi danpi thleng ding  ah MP 75% hnak i tam lawng in an thleng thei ding an ti ruang ah 2015 i hrilawk leh ah 75% kan ngah hman ah  theih ta lovi,cui ruang ah ralkap ( MP ) pakhat tal kan ngah bet  a tul tiin a sang theu.

2008 danpi thleng tuan  a theih dan ding

2015 i hrilawk can a thlen hlan i ralkap pawl i tuahmi 2008 dan pi thleng tuan thei dan ding 2 a um ding.Pakhat nak ah cun  ralkap pawl i thuneih nak an lak ah cun hi danpi cu a mah ten a cem a si mai.Hihi  a si thei lo ding kan ti thei lo.Pahnih nak ah cun 2015 hlan ah democracy duhtu mipi pawl in 1998 in Indonesia in  an rak ti vek in maw,nikum i Egypt i an ti vek in maw Rangoon khawpi ah mipi 300,000-500,000 hrawng nitn pungkhawm ring ring seh la,ralkap pawl i meithal hmang i mipi an dawi tek thei lo ding ah cun democracy ngai ngai kan hmu ding a si mai.A si nan hihi cu mipi in an ti a tul kher lo ding ah ruat seh la,Ziang ah tile President Thei Sein hovin democracy lam i kan feh vivo ruang ah.

Thailand le Europe ah Pi Suu Kyi an rak sut lo ka ti mi kha kei cun Delhi ah NLD MP hlun sizung i rung um U Saw Hliang kan sut.A nih cun theih sehla cu tu ro ri ah hi dan hi thleng kan duh ke cu i ti.

Himi danpi hi cu 2015 hrilawk hlan ah cun thleng  theih lo ding ti in ka ruat. si nan 2015 hrilawk nak i hman theih ding i rak thleng lawk cu a theih khal a si men ding.Cucu hi tin a si ding.Tui MP pawl,25% i tel ralbawi pawl khal tel in,2015 i hrilawk ni tiang cu an MP sinak thlah an duh lo ding.A si nan leilung tlun dinhmun a thleng vivo i tlun i Pi Suu Kyi i dinhmun a that vivo ah cun,2015 i hrilawk thleh ve tei hman ding ah tiin 2015 hrilawk hlan i i rak thleng lawk a theih men ding.

Cumi ding h cun Pi Suu Kyi  cak vivo,a lar vivo,President Thein Seih thaw khal i an tuan that vivo a tul ko.Cumi ding ah cun Pi Suu Kyi khal i a party a ticak  a tul sinsin ding i Burma ramsung khalah i taima zet in a tlawng vivo a tul ding.

Thailand le Europe  tlawn i a sunglawi ruangah  Pi Suu Kyi cu Burma ram sung khal ah mi in an duh sin sin ding.Cumi rual rual in hiti tluk i a lar hi General 3,Than Shwe,Maung Aye le Khin Ngyunt pawl cun n duh lo nasa ke cu.

(Suak leh ah 1947 danpi,1974 danpi le 2008 danpi pawl )

%d bloggers like this: