Burma Ram Feh Dan Ding Part 14

 Aung San tei Sung le Nehru-Gandhi tei Sung

Corruption Do Natsat A Tul

Burma Feh Dan Ding part XII kha thudang dang siin tum 2 ka run ngan sual i,tu cu Mirang pawl vek in part XIII ti cu kan kan kei part XIV kan ti poh a si ke cu.

Burma siseh,Lairawn siseh,Laitlang siseh thanso tir nak ding ah cun corruption timi eiruk nak hi kan do nasat a tul ding.Burma ram hi leitlun i a hmin a than bik nak cu leitlun pumpi ah corrupti bik  no.2 a ngah mi hi a si.India tla hi a corruopt tuk kan ti theu nan leitlun corrupt bik  70 hrawng a si i,ram 100 lai hnak cun a thiang hlim.Burma hnak i corrupt um sun cu Somalia ram lawng a si.

Mirang in Be honest and work hard an ti.Himi ah a kim thluh.Honest tinak ah corrupt lo ding ti nak a si.Finland ram khi leitlun i corrupt lo bik,thianghlim bik a si.Delhi ah vawi khat cu Finland unau kum 45 mi le India mi nunau cathiam zert kan kawm aw tlang i,Finish nu cun Finland ah corruption thubuai a um dah lo a ti.India nu cu a mang a bang zet.Kei in Finland,Norway and Sweden are the least corrupt in the world ka ti lawng ah India nu cun a zum..Nikum rori ah India ah central cabinet minister 1 le dy. minister 3 lai eiruk ruang ah thawng an tla.

Kan rinum lo cun kan eiruk nak ah development ding pawkl a cem thluh ding.Zokhal in corruption do thulh seh la,pastor pawl .khal in Pathian thu an sim nak ah sum le pai i diklo nak hi sawisel theu seh la.

Motilal le Jawarharlal Nehru

Motilal Nehru hi India Allahabad i suak a si i,lawyer hlawh tling zet a rak si.1915 hrawng ah ralkap pawl i Rs.3 an hlawh lai ah thla khat ah Rs.15,000 lai a rak hlawh.India ram i siangpahrang  phun si lo ah cun swimming pool nei hmaisa bik a si.Cule India zalennak sual nak ding ah Mahatmat (Mohandas ) Gandhi a rak thlun ve.Motilai i fapa hi Jawarhalal Nehru a si hi England i a nau hak lai i tlawng a kai hnu ah a pa le Gandhi tlun in politic ah a lut.India ram independence si nak ding i tuan tu bik pakhat a rak si i,India ram i Prime Minister hmaisa bik khal a si.

Jawarhalah Nehtru hin fanu 1 lawng a nei i,cunu cu Ndira a si.Pasal ah Feroz Gandhi a nei.Feroz hi Bombay lam mi a  si i,.Farsee hnam a si.Feroz thawi an neih awk ruang ah Nehru fanu hin a pasal i hmin Gandhi ti a a la i,Indira Gandhi tiin a rung um.A fapa hi Rajiv Gandhi a si i,Rajiv i nupi hi Sonia Gandhi si in Sonai fapa hi Rahul Gandhi a si.An nufa hi tulai i India ram i mipawimawh bik 2 an si.India ram hnam pa Mahatma Gandhi le Indira Gandhi te hi sung khat nak an nei lo.Mahatma Gandhi hi cu a thih hnu cun a mah vek i lar thlah a  nei lo.

Motiilai le Jawarharlal Nehtu tei sung thung cu Nehru in Indira,Rajiv le tu Sonia le Rajul an rung si i,tu tiang an lar.An nih hi Nehru Gandhi dynasty ti an si.

Mahatma Gandhi kha 1949 ah kum 79 mi si in a thi.Aung San kha 1947 ah kum 33 mi si in a thi.British hnuai i independence tum ve ve an si  ruang ah an thei aw man.

%d bloggers like this: