Burma Ram Feh Dan Ding Part 111

Jesuh Khrih Ram Kan Tikauh A Tul


Burma ram ah Christian ziangzat hrawng an um ke ti ih ka suh tikah a thei ngai ngai an um lo.Hihi a zat tak tak kan theih thei lo ding ih tuahtu  pawl an um tiin a  ruah theih.Burma ah Muslim hi 5% an si. Ziang khal le 4% ihsin 6 % kar lak cu kan si ko ding.
Muslim ngheh zet nak Malaysia ah Christian 8 % lai an um ih cu ti tho tho in Muslim ram tum bik Indonesia khalah Christian 10 % an um ban.South Korea khi cu le Chrstian an tam law law ih 25% lai an si.

Midang pawl Chriatian ih tuah a tul nak cu, (1) nak ah thlarau hlo hawl, Jesuh ih rundamnak ih thlen le ( 2) nak cu Christian an pun cun tui a um cia Christian pawl an him deuh phah ding ih cui tlun ah Burma ram ih Christian state le Christian miphun pawl an cak phah deuh ding Kawl ( Burman ) Bhuddist rori tla cu Christian ih tuah a harsat zia ka hnek ih thei tampi nan um.Kawl si lo mi pawl hnen ah Christian kan tuah a tul tinak ah a cang.Kan Chin state sung kan zoh ah cun Teddim ram ih Pau Cin Hau pawl rel tel lo cun Northern Chin state tla cu 95 % hrawng cu Christian kan si thluh zo.A si nan Mindat le Paletwa ah Christian lo an tam tuk lai.Chin state ram sung hman ah mi 50,000 lai cu Christian an si hrih lo tinah a si hi.Mindat Bhuddist rori pawl khal hi an duhaw zet ding ih,Christian pawl hi ziang khal ah in siar lo a titheih ding

Aso – Chin pawl an za ten ziangzat cekci an um ti ka thei lovi, 800,000 tal cu an um teng teng ding.Himi lak ah 20 % hman Christian an si ke maw.50% hrawng cu Bhuddist an si a zum um.Aso Chin Bhuddist pawl khal Bhuddiat si zo na na na cu Christian ih lak let a har nasa ke.A si nan an nih cu Chin an ti  awk ruang ah mal te cu a zia um ding.

Cule Arakan ( Rakhian ) state khi zoh sehla, kan Laimi khi tawk ih missionary tuan pawl hi Rakhian Bhuddist lak ah an tuan thei lo tluk a si.Rakhian pawl hi Kawl pawl hnak hman ih Bhuddist si hmaisa an si ih an duhaw tuk,Rakhian sicun Bhuddist si ding ti aw pawl an si.Cui ruang ah Rakhain ih Lai missionary pawl hin Aso Chin le phunhnam te nau dang pawl lak ah hna an tuan a si.

Karen pawl hi tulai ih an statitics ka thei lo nan a tlang pi in hi ti in a ti theih men ding.33% cu Christian,33% cu Bhuddist le 33% cu rai bia,sakhua nei lo ah an cang ding.Karen pawl hi million 4 tlun an um tik ah Christian khal Bhuddist khal an tam nasa.An Christian pawl in le cu ti tuk in hna an tuan si lo.Laimi Pathian hna tuan pawlle in nau tat si.A awl lo nasa.

Shan ramah mi phun hrek khat lak ah Christian ih lak awl mal te te an um lai kei,Burma Naga pawl lak khalah hna tuan ding cu a um lai ding.Khat lam khat lam in nawr sin sin seh la, zum tu thar hi kum 15 sung ah million 1 tal tuah thei seh la,cu ti a si cun kum 2025 hrawng ah cun Burma ih um pawl ah 8 % te tal cu Christian kan si ko ding.Tuan leh tan nasat a tul nasa lai a si hi.

India ram ah a zate ah Christian hi 3% hrawng an si ih, Kerela ah cun 25% an si thei.Mizoram vekah cun 90% lai an si.Hindu tamnak Tamil Nadu le Andra Pradesh ah cun 6 % lai an kim ih,politic khalah an thupit phah.Andra ih an chief minister hlun pakhat tla cu Christian a si ih a rak lar zet.Christian malnak Orisisa le Rajesthan ah cun Chriaitan hi 1 % hrawng lawng an si ih,hremnak tla an tuar theu.Himachal Pradesh khal ah 1% an si ih,Chriaitan pawl cu vansiat an tuar khal le a cozah bomnak an ngah lem lo.Democracy India ram khal ah tui a um cia Chriaitan pawl himnak ding ah le Jesuh ih duhdawtnak theih tir ding ah Chriatian thar tuah a  tul nasa.

 

%d bloggers like this: