Burma Ram Feh Dan Ding Part 102

Falam Town Hall le Falam Club Kan Sak Ding

Kan dung ih Part 102 ka ngan nak ah computer ( internet ) a tha lovi, check ka tum ih ka check ding pawl ih zawn ka hmeh le a hnin cing cing.Cuti cun leh hnu ah ka check leh ding tiin keimai email ID ah ka kuat aw hmang ka ti mi kha Rihli group ah ka rak thlah  pang ih,cunah vawi khat hman check man lovin a ra suak.Spelling le grammar a sual tam zet ding.Poi ka ti ih a siar tu pawl ka lo hmai sawng nasa.Ralrin ka tum deuh ding.
Mizoram ah cun Aizawl ah Vanapa hall pi a um ih tu-ah cun veng tin ah veng hall an nei thluh.Khawte lam khal ah in 250 um cin cun village hall an nei thluh.Annih fam cu a cozah in a saksak ih an van tha zet.
Kan nih Falam town hall khi a hlun nasa thlang.Cui tlun ah mi 600 lai lawng maw a tlem ding.Tohkham pawl khal an tha lo.Zo khal in town hall tha nei seh la kan ti thluh.
Town hall thar kan sak leh ding ih mi tlem zat ah cun Aizawl hleih kan tum ding.Aizawl Vanapa hall ah mi 930 lai an tlem ih kan nih cun 1050 lai tlem ding in kan sak ding.Tu hman ah Falam ah mi 7000 an um ih 2025 ah mi 15,000 kan um tir ding ka ti zo kha.A hmun thu ah cun tui hmun tho tho,a sak lam ih Pidawta inn 2 lai maw kan bal ding ih cu cun hmun kau zet a rung suak ding.Tui a tual um cia khal khi kan kauh ding.Cu le a hnuai ta bik cu a hrek car park a  si ding ih a hrek cu dawr pawl an si ding.A tual tu hnak ih kau sawn ah motor turning thei ding in 40 by 40 feet hrawng kan zuah ding.Aw le, hi town hall thar pi cu a cozah ih ti ding  a si ding ih  ih kum 2018 tal in thok thei seh la,kum 3 kum 4 ih theh ding in.Cui sung ih hall ding ah Falam Club kan sak ding
Mirang sanlai ih Falam club thei ban cu a mal bikah kum 50 tal nan si a tul ke.Tui Baptist biakinn pi umnak ah Falam club tiin inn fate a rak um.Kei cu ka rak lut dah ko.Tuah Falam Clun thar cu Party zung  thlang ih Police len pawl kan thiat ding ih a sir pawl cu lamzin pi ah feet 6 hrawng maw kan kauh hnu ah police inn hlun pawl ah feet 60 by 60 hrawng a lawng lai ding ih cunah cun zinpi ih si motor luh nak feet 12 zin tla kan tuah ding ,cui tlun  ah cun feet 30 by 40 inn pi,thuah 3 ih sang kan sak ding.Cule tual feet 40 by 40 tla a nei lai ding.Falam club thar pi a hnuai bik cu hall a si ding ih mi 350 tal an tlem ding.Town hall pi theh hlan ah hall ih kan hman bik ding mi a si.Town hall pi theh hnu khal ah mi 300/400 hrawng ih hmannak  ding a phun phun a um ding.Himi Falam club hi 2016 hrawng tal in thok thei sehla,kum hnih kum thum ih theh ding in.
Falam club kan sak theh hnuah town hall pi cu kan sak leh ke.Falam club ah hin meeting nak a phun phun,nupi pasal neih awk nak,Pathian thu ih crusade nak pawl ah man kuan in an hmang ding.
Falam ah hall kan sak vek in Hmuntha ( Zualtit ) le Cerhmun kan rel law law ke.Cerhmun hrang ah cun kan hmai lam kum 5 sung ih theh ding in,Singapore ih um Aalian ( Pu Van Thawng Lian ) le a nupi ka nau ih fanu Engte tei  nupa an dam ih an thanso vivo ih in saksak duh ah cun minung 350 lai tlem thei Falam ihaakasazung ( sport stadium ) tia na na na cu in saksak thei ding.Cule Hmuntha khua ah sawh cun a khawmi pawl,ramdang in um an khawmi pawl le NGO pawl ih bomnak kan dil thei cun a lai fang ih ban um si  lo ih mi 600 lai tlem thei, meeting lo can ih volley ball court le badminton court khal  ih hman theih ding  ih sak kan tum ding.
( Ngan leh ding ah kum 2 sung 2014-2015 ah Falam leh Cerhmun hrang ah ziang pawl tuah suak kan tum ding ti ngan a si ding.)
(Visited 33 times, 1 visits today)
%d bloggers like this: