Burma Ram Feh Dan Ding Part 101

Be Honest And Work Hard

Mirang pawl ih an ti mi be honest and work Hard timi ah hin thil hmuah hmuah a kim thluh vek a bang.Leitlun ram pawl kan zoh khal le a rinum le a taima pawl cu an thangso a ti theih a si.
Delhi ihh um ka rualpa Vaimi Anil Gupta cu China ram ah tumhnih lai a tlawng ih,an thansonak cu thudang a si lo,an taima tuk,an nunau pawl khal in hna an tuan thluh tiin i sim.Tunai te New Deklhi ih survey an tuah naka h Delhi ih nunau hnatuan thei cin mi 10 ah 1 lawng in hna an tuan a ti.
Americanmi electric bulb tuahsuak tu Tomas Edison kha “Success is 99% perspiration and 1% inspiration”a ti.Himi thu ka siarnak hi kum 30 lai a si zo ding ih himi hin thazang i pe nasa.A ti duh mi cu perspire,thlansuak ti cu taima zet law zet ih hnatuan ti a si ding ih,inspire timi cu thluaktha tinak a si ding.Keimah le mdiang thawn thimaw seh la.A hmin cu ka ngan lo ding ih,ka sung khat,mipa,keimai hri,thawn high school lai ah kum 6 lai ca kan zir tlang.Kawl bawifa le milianfa pawl lak ah kei khal mi 50 lai ah 3rd. position cu ka si ve nan hi ka unau pa hi cu kei hnak in step khat in i hleih ring ring.A thlauk a tha saswn ih ca a thiam sawn.A si nan kei tluk in zuamnaka  nei lo.Hi tluk ih thluak tha si cing nan tu ah cun Falam ah mi um men men ah a cang.
Kei cu Pathioan zangfahnak le ak zuamnak ruang ah malte lai hmin nei ah ka rungcang.Keimah ka nau ngai ngai thawn thimaw leh sewhla.Tui Australia Adelaide ih um ka nau Mang Hlei Sawn cu kan uan lak ih thluak tha bik a si ding,kan nau tin Iang thawn.Taahan ih Mizoram ka rat hlan Englsih tuition ka pek lai ah phun 8 mathematic ah ka tuah thei lo mi kha a nih phun 8 ong hrih lovin tlawngta pawl hmai ah in tuat sak.A si nan a taimak lo raung ah zinag hmana si lo.
Anih vek in Australia ah kum 123 lai um in a nih vek in thluak tha sxehla cu zan tlawng kai cing in Australai B.Engineer ka ong tuk zo ding ih tu ah hna tuan tha zet ka hmu zo ding.Edison khal cun science lam ih a hlawhtlinnak hi a thyluakthat nak hman in a taimak ruang ah a si a ti.
KAn dung kum 30 lai ih ka siar mi pakhat leh cu,leitlun ih mitaima tiih kan theih mi Japan pawl khi mi ze (zangzel ) vek ih ti lang thei tu cu South Korea pawl an si ti ka siar.S.Korea cu an thangzo tuk tho.
Cule Be Honest tihi zoh hnik kung.Mi dik lo,corrupt pawl cu an lian trhei men,a si nan kan Pathian thu khal in a duh lo.Cui tlun ah an liannak an hman  thiam lo cun an lennak hi an sung khat.an fale tise tu men ah ac ang.Cui raung ah cun sum le pai thu kal ah a cang thei tawk ih kan dik a tul tinak a si ding.Ram hotu pawl,pastor pawl khal in sum  le pai ih dik a tul thu hi sim uar nasa thlang kung.Kan ram a siar rei tuk ih sapabai ah a ti thei thei ih kan eiruk thluh cun a can in a cang lo.
Leitlun ih ram lian bik pawl khal hi sum le pai khal ih a dik bik pawl an si tho tho.Thuthimnak ah Singapore,Finland,Norway pawl khi.
Ziangzat in han kan tuan ding ti thu mal te inngen sehla.Kan hnatuannak ih hlawh ngah mi,a hleice in mipi hang ih tuan tu pawl,pastor le MP pawl hin ni khat ah nazi 6 sung te hman dik zet le a tuan nak ding ah tuan thei ring ring seh la,kan ram kan miphun cu kan thangso zet ding.Pastor pawl hrang ah cun,mina veh,pathian thu sim,solfa va zirh,mi harssa va bom,catla va zirh ti pawl tuan ring rign a theih ding.
(Visited 43 times, 1 visits today)
%d bloggers like this: