Burma Ram Feh Dan Ding Part 97

Hmuntha (Zuathit ) Model Village ah Kan Tuah Ding

Hmuntha khua hi Tahan le Myohla kar lak ih um a si ih inn 400 lai an um zo.Lairawn ah Hmuntha khua hi ziang ruangah model village ding ah ka hril ti le ka ni le ka rang ih khua a si ih tu ah ka nau Sui Thawn khal in inn se te a nei ve.Cui tlun ah Cerhmun khua ih suak man hi khua in um hi inn 10 tlun 15 lai an um ding.

A si len ziang tn kan tuah ding.A hmaisa bik ah zirnak lam ah feh seh la.Mizoram ah cun inn 300 tlun khua hmuah hmuah cu Aizawl le Lunglei in an nai maw nai lo maw high school an nei thluh.Zuathit ihsin Tahan Tawngphila ah high school an kai thei nan ke ih feh cun minute 30-40 an rei tho tho.Inn 400 khua na na na cu high school an khua ah din seh la tlawngta 40 lai cu an um cia a si mai.An mal tuk nan ti pang maw.Ratu high school,Mizoram ih ka tuan lai ah tlawng ta 50 lai lawng a si kan neih,phun7 tlun lam ah.Hmun tha ih Tweibet(affiliated high school ) kan din thei cun Sekan inn 500 lai,Tihang va ral ih tlawngta pawl thawn tlawngta 100 cu awl ten an um mai ding.Tlawngtha ding cun building tha le saya tha a tul.Cumi ding in himi ca hram tawite ah kan ngan tlem lo ding.

Zan tlawng pawl kan tuah ding.Zan tlawng ah cun khawm lo zan,zarh khat ah zan 4 cu zan ah nazi 2 kan zirh ding.English le Burmese in a si ding.Inn 400 khua ihsin cun zan tlawng kai ding hi 100 tiang an um thei ko.Sun ih hna tuan phah pawl zan ih ca kan zirh thei cun kum 3 sung ah cun Hmutha khua cu ca thiam khua ah an suak ding.

Cule a poimawh zet mi,electric kan rel ding.President Thein Sein in kum 2014 tal ah Kale valley hi nan tleu ter thluh ding a ti ti a si.Hi hin inn ziang zat an co ding kan thei ban lo.Ziang khal a  si le Kale township mi mi 200,000 lai an um zo vi,inn kip in duh tawk an ngah ding ti cu a zum um lem lo.Cu mi a  si ruang ah diesel generator KW 30 tal bun thei kan tum ding.Model village tuah kan tum nak ah Cerhmun khua hrang khal ah a khua ih um lai pawl  le hmun dang ram tha ih um pawl kan tuan tlang thluh a tul ka ti zo vek in Hmuntha khua khal cu ti tho tho a si.Cuti ih kan tan tlan thluh ih tlun ih NGO tum pipi pawl ih bomnak kan ngah thei ding cun 30 KW electric khawl cu kan tuah thei ko ding.

Cule tidai ah feh seh la,Tu ah cun mah te tikhur ih ta a hrek cu hridai ih pawh cawp in a hrek cu khawl ih kut herh in ti khai lai a si.Tui model village planning ah cun,electric tha kan neih ding ruang ah tui khawlnak tum pi,pi 20 hrawngih sang kan tuah ding ih sun lai ih electric tha inn tin ih an hman a mal lai ah tidai kan pump so ding.Tidai hi himi khua ih hmun 10 lai tube well ihsin maw kan lak ding,cu lo le Tihang va ih ta maw ti cu rel tlan a si leh ding.Himi tank pi ih tidai hi inn tin ah tikcu nei ih runnuing water system in inn tin ah a pe ding a si.

Harhdam nak lam ah tuah thei a si le clinic fa te kan tuah ding ih,nurse thiam zet pakhat maw 2 tal cun an duty ring ring ding.Cule Dr.Than Bil Luai tla thla 3 ah vawi 1 tal harhdam nak lam ih thu sinm ding in kan sawm ding.

Thanso nakdang dang pawl,hlawksawn ih cicin dan pawl,sum khawl dan pawl,nauhak umdang thaim nak le nungcang that tir nak pawl , mi harsa bom dan pawl tla theih tawk in kan tuan tlang ding.

Hiti tangtlang ih kan tuan ah cun kum 3 cem cun Hmuntha khua cu zohthimtlak khaw thangso,khaw mawi ah kan cang tir ding a si.

%d bloggers like this: