Dr. Ni Win Mg Dairial Cang

BBC | January 3

The Voice Weekly ih CEO le Myanmar Egress ih secretary dinhmun kaitu Dr. Ni Win Mg cu January 1, zarhpi ni ah dairial a cang thu Kawlram thuthangca pawl cun an tarlang.

Kawlram thansohnak ding ih hmalaknak a phunphun thawn tanlaknak nei rerotu The Voice Weekly ih CEO le Myanmar Egress ih secretary dinhmun kaitu Dr. Ni win Mg hi January 1, pathianni zinglam nazi 1am le minit 10 ah Yangon khawpi ih pyituh zato ah lungturnat ruangah a duhdawt zet mi Kawlram le a sungle tanta in leitlun a suahsan a si.

Dr. Ni Win Mg hi The Voice Weekly ih CEO le Myanmar Egress ih secretary dinhmun kaitu lawng si lo in Living Color Media khal ah mi tangkai zet a rak si. Dr. Ni Win Mg hi kum 50 ih upa a si ih Kawlram mipi hrangah hna theitawk ih tuantu khal a si. A ruak hi January 1, pathianni tlailam lala nazi 2pm ah Yeway thlan ah nawhkang a si ih a mah uitu mipi tamzet le sungkhat lainak pawl tamzet in an tawiawm a si. Dr. Dr. Ni Win Mg hi Kawlram mipi hrangih tangkai zet a si ruangah a mah uitu khal an tam in lainattu khal a nei tam ih Kawlram cun a thihnak hi cannak nasazet a si ti a theih ding hi a tul mi khal a si.

(Visited 35 times, 1 visits today)

Comments

comments

Comments

%d bloggers like this: