Dr. CT Ih Q&A

Tu’i tum CT ih mipi thusuhnak pawl sannak  in rak peksaktu cu Dr. Zar Lian a si.

Dr.Zar Lian

Q.1 Dear  Dr.CT,

Kawlram hi ziangruangah Malaria nat hi a um? Ram dangah Malaria nat tivek an thei ve fon lo.
Zangfehten in sim thei ahcun ka lungawituk ding.

Salai Jack Cross

Ans : Dear Jack,

Hi Malaria hi Tropical disease a si ruangah, ram hlum le sa a si mi Myanmar, Thailand kiangkap le Africa lawnglawngah tampi a um theu. Ram dai ah a um thei lo mi nat a si….

 

Q.2 Dear Dr. CT,

Ka damlonak mak takmai lo suh ka duh.

1. Zingpit ka ha ka tthuah tinten a thii ciamco ttheu. (Ka ha cu a na riai
lo nan)
2. Khak ka nei tam zet. Zingpit ah tlacu ka khaak a dum zet.
3. Ka kaa tla a rim a sia.

Himi hi ziang ruangah a si pei? Hi lam ahcun Clinic ih va hmuh dingah le
harsatnak tete thawn a ol lo.
Mah te take care awk ih ttha leh thei teh a si ke maw?

Dave Mang
Florida, USA

Dear Dave,

Na natnak hi phun khat in simfiang men sehla, nan umnak ram lamah cun HA hi thupi zetin an ruat, HA a that lo len KAA SUNG a dam thei lo, kaa a thu, mawinak a hloter tiin..

Sinan na sim mi cu ha a si lo nan HA-NI natnak a si… ha-ni a that lo le na sim vekin an um theu. Khak hi khuh ruangih suak le hnapkhak vekih suak a um ruangah…. Hnapkhak vekih suak cu ha-ni that lo ruangah a si thei vekin, HMAIRUH natnak( Sinusitis) ruangah tla a si thei ruangah a um ringring a silen Sibawi na rawn leh ding… Mahte care -nak dingah:-

  1. 1. Ha na thuah tikah napin hnawt hlah.
  2. 2. Toothbrush nemte hmang aw.
  3. 3. Oral hygiene hrang kamkholnak (Mouth wash) strong tuk lo hmang aw…
  4. 4. Ei-in khop tikah thiangfaiten na kamtthuah aw…

Q.3 Dear CT Sibawi,

Nunau daan ka neih tinte zarh khat lai a rei ttheu. Cun a ni khal a hmaan dahlo. Ziangti’h tuah ding ha?

Mai C.C

 

Dear Mai,

Nunau nat hi simfiang dingah cun HISTORY fiangten theih a tul zet. A umdan lawng cun Hormonal imbalance ruangah a si. Cucu Stress ruangah a si theu. Thinlung dam, tisa dam teih um thiam a tha. Pathological (a bo, a naa) a si len cu Gynae lamah consult ding a si.

Q.4 Dear Dr. CT,

Zaan ah ka it that thei ttheu lo. Ka ih hmuzet khalah ka it that thei cuanglo.
Ka rualpa in ihthatnak sii in pek ih ka ei ttheu. Cu hnu cu ka it that thei.
Cumi si eita lo cun ka it thei nawnlo si ko.

Ka lo suh duh cu:
Hitin zaan tin rori sii thawn ka it hi a ttha ke maw? Neta lamah teh a poipeng pang ke maw? (Mi hrekin a thalo an ti ih!) Cu lo in teh ziangtin ha ka ihthat thei ke..

Lalal
Malaysia

Dear Lalal,

Si rori, sii lawnglawng ih ihthat cu dependence (si cuai) a um thei, a zongsang ding ruangah sii loih itthat theidan ding hmaisabikah thinlung har tuk kha hmun khatah na ret ding (thuhla nuam pakhat lawng na ruat ding) a si. Cumi dingah Pathian thu ruah a thabik. Cun thinsau a ttul, thintawi tuk len thin a heng sinsin dingih cuti cun na itthat thei  lo sinsin ding ruangah thinsau na zir ding. Zan 3 hnakih tam na tuar cuang lo ding, neta cun na run itthat thei thotho ding a si. Cuhleiah Bible, lolen ca siar tla ithmutnak tha a si.

(Visited 39 times, 1 visits today)

Comments

comments

2 Comments

  1. Rinsanmi Dr.Zar Lian,

    Na ti tha tuk.
    Thathnemnak tampi ka ngah a si.

  2. Keitla ka thathnempi zet.
    Lungawi Dr. Zarlian,CT le a suttu pawl zaten……

Comments

%d bloggers like this: