Donald Trump Kum 71 A Kim, USA President Ih Duh Culobik Tiah Ti

Donald Trump cu a kum 71 kimnak ih hminsin ah US president a sangsang ih pathum hril mi ah duh colobik a sitiin an ti.

A sangsang ih US President pathum tuantu pawl cu Bill Clinton, George W. Bush le Obama pawl an siih an lakah Trump in mipi duh colo bik a angah. US mipi zatek 43% tluk in a President nak ihsin bannak tuahter dingin an duh tiin Politico/Morning Consult poll ih mipi duhnak suh mi ahcun an tarlang.

President sinak hlihsak thei ding dinhmun ih a tuah sual mi le mipi pawl ih an huat zet mi cu, FBI director James Comey a hnatuan ihsin a cawlhter ruangah a si tiih rak titu khal an um. Himi hleimah Paris Climate accord timi, nikhua thuhla ih tuankhawmnak ihsi US rampi a tel nawn lo mi thu ah mipi pawl ih ruahnak a ti danglam zet titla in an ti. Nikhua kilhimnak lam ih tuankhawmnak ding hrang America mipi zatek 70 tluk ih an lungkim mi a si tiin the Independent cun a tarlang.

President Trump a sinak hlihsak ding a si tiih ausuah pi hmaisabiktu cu Al Green timi pa Texas ihsi Republican Senator a siih May 17 ni ah a rak ausuah pi. Nancy Pelosi, the House Minority Leader cun a mahten a cawlh leh ko ding ruangah hlihsak a tul hran lo ee tiin a rak ti ve.#

  • Agencies

Comments

comments

Comments

%d bloggers like this: