Donald John Trump Ih Thutawi

14963346_884127301721427_943703695886601893_n
Himi hi a nu le pa unau tello in a mah Trump thulawng tawi famkim theibik in ka ngan mi a si ih a famkimlo ding. Neta le sau deuh in ka run thlah leh ding.

Trump hi 1946 June ni 14 ah New York khawpi ah a suak. A tthanliannak khal a suahnak New York thotho ah a si. 1968 (kum 22) ah University of Pennsylvania ih Wharton Tlawng ah Eco in Bachelor’s degree a ngah. 1971 (Kum 25) ah Fred Trump’s ti mi a Pa hnatuan a kaihruai thawk. Leh hnu deuh ah Trump Organization tin hmin a thleng ih mi tampi ih theihlar mi ah a rung cang. Tuni tiang a mah hi the Trump Organization ah Chairman le President dinhmun in a um. 1996 in 2015 tiang a mai neih mi Miss USA timi ah tel ih Cameo appearances ti mi zuknung tawi laknak ah voikhat hnih a tel theu.

Kum 2000 ah Reform Party in presidential nomination ah a rak zuam nan vote lak hlan ah a mahten a cawl sal. 2016 Forbes ih cazin vek a sile leitlun ah 324 nak milianbik a si ih USA ramsungah 156 nak milianbik a si.

2015 June thla ah Republican lam in President dingah a zuam ih 2016 May thla ah Republican lam in hriltlin a si. Leitlun pumhuap ih rel a hlawh zet ih soiselnak le puhmawhnak pahtlang in 2016 Nov ni 8 ah USA rampi president dingah hriltlin a si.

2017 January ni 20 ah White House ah to in hnatuan a thawk ding. Amah hi tu ah kum 70 a si ih US president lak ih tar bik le Lian bik a si.#

Albert Lalbawiuk

(Visited 349 times, 1 visits today)

Comments

comments

Comments

%d bloggers like this: