Don Bosco le Community palai pawl Youth Club thu rel khawm

CT/New Delhi, 4 March 2009

Delhi UHNCR thawi hna tuan tlang Donbosco thuneitu pawl cun Kawlram raltlang vakvai hrangah Youth Club din a tum ih Mani 3 March 2009 ah Community tin ih upa pawl ko khawm in meeting a neihpi.

Donbosco pawl cun a hlan ah Youth Club (2) an rak din ih an hlawhtlin lemlo thu  an rel. Cutikah Community suaktu palai pawl khal in an rak din le din lo hman an rak theihlo velo thu an sim ve.

Falam Community ihsin mipa khat cun “Donbosco hin ziangvek thil fate a tuah ding khal le mipi zate theih ding in theihternak pek theu seh, a tu khalah Youth Club pahnih nan rak dinzo ih Burmese hrang nan ti nan mipi tam sawn in kan rak thei lo tin a duhlonak le lungkimlonak a sim.

Cuti a sim theh hnu ah officer pakhat in Community tin pawl an rak theihter zia pawl a thei tawkin simfiangnak a nei ve. Community tin ih palai pawl cun Youth Club din tikah ziangmi thathnemnak a um ding timi le Youth Club feh daan ding an ruah tikah an lungkim lo.

Ziang ruangah tile, Youth Club an rak dinnak thla khat a rei zo, mipi pawl in kan theilo men lawng si loin thansonak le hlawknak a mal tuk an ti. Cuihlei ah a phunphun in Donbosco ih sumhawlnak ah kan cang sawn ding ti ruahnak a um ih hlei ah ram dangfehnak resttelement lam tiang a tibuai ding a phan um zet tin community palai pawl cun an sim.  

Curuangah Youth Club din dingih nazi (2) sung meeting an neihmi cu an cawlhsan. Community palai pawl cun kan mipi zaten kan theihter ding ih an lungkim le kan tuah ding ih an lungkim lo le kan tuah lo ding. Curuangah zarhkhat sung tal a malbik ah theihterawknak dingah caan in pek uh tin an dil.

Donbosco cun mipi an lungkim khal le kimlo khal le kan tuah ding ti mi thinlung put nei in ke an kar ruangah mipi tamsawn ih thinlung a buai ter.

Comments

comments

Comments

%d bloggers like this: