Doha Ih Claimate Change Thuhla Meeting Pi Thu Lawrkhawm

United Nation Frame work Convention on Climate Change (UNFCCC) ih a vei 18 nak Conference pi cu leitlun rampi 200 zikte telin Qatar ram Doha khawlipi ih um Qatar National Convention Centre innpi ah kan dung Nov 26, 2012 ni ah nei thok a si. Atu ahcun zarhhnihnak a lut thlang.

Cutawk ah UNFCCC ih a vei 8 nak Tyoto khawlipi ih an nei laiih an thu relcatmi Kyoto Protocol (Kyoto Lungkimtlangnak) cu relsal a si. Himi conference pi hi kumtin neih ringring mi a si. Hivek meeting ih an rel ṭheumi thuhla cu leitlunpi nikhua, boruak thleng ih a her danglam dan pawl thuhla a si. Greenhouse gas, climate change  le Ozone layer siat vivo tiih kan theihlar zetmi thu  harsa pawl tla an reltlang ih lungkimnak thuhmunkhatnak hmin an khen ṭheu.

Tuikum Meeting Ih Thupi Pawl

1. Kyoto Protocol, Kyoto Thuhmunkhatnak, cu 2013 ah a cem zo ding asinan, 2020 tiang thuhmunkhattlang vivo hrih dingin an reltlang.

2. Ṭhangso zo ram pawlin ṭhangso rero lai ram pawl hnenah Carbon Dioxcide an suahmi ruangah sumpai ruulsal dingin an reltlang, sumpai ziangzat ti cu theih a si hrih lo.

3. Prof. Robert RM Verchick in ahlan Obama acozah ih Kyoto Protocol tlunih a policy hi a sual ngaingai, palhnak tumpi, a si tiah a ti. Obama acozah in Kyoto Protocol ihsin a hnukdawk-aw dah. Atu ahcun a telsal.

4. Himi conference ahhin ṭhangso zomi ram pawlin thangso hrihlomi ram pawl tlunah nehnak co thei loin, a sung an pek. US le Europe pawlin an tuah dingmi cu an hril thei lo tiin an ti. Atufang leitlun ih carbon dioxide suah tambiktu ram pawl cu: pakhatnak ah China 7.03 billion ton, pahnihnak ah US 5.46 billion ton, pathumnak ah India 1.74 billion, a palitnak ah EU 4.18 billion ton, pawl tla an si.

5. EU,  Australia Le Norway pawl khalin carbon suah bikhiahmi cu an tlun hniakhno a si. Rampi pawlin an duhtuk lo cingin a netnak ah an lungkimsal.

6. Ob River tiih kawhmi lawng tumpi cu claimate change, leitlunpi a sa vivomi, khihhmuhtu dingah khual a tlawng ih, ram ṭhangso pawlih carbon dioxcide an suahmi malter dingin, tumtahnak a nei. An duhdan ahcun claimate change ruangah tifinriat pawl a siatsuah dan langter le, pholang ding an duh. An khualtlawnnak ah Kiribati ihsin Maldives lamah a feh lo, ziangahtile tifinriat hrangah a ṭha lo ti langternak a si. Cun Norway ihsin Japan lamah, Arctic Ocean sungah a feh. Ziangahtile cumi ram pawlin carbon dioxcide tampi a suah ruangah a si. Cumi lawngpi cu Doha Conference ṭhehhlan nithum duh, Tlawngkai Nithumni, 5.12.12, ah a khualtlawngnak cu Qatar ram Doha khawlipi ah a cawl.

UN ih kiangkap kilkhawinak thawn pehpar ih conference sangbik cu 8.12.12 ni ah an ṭheh. Lungkim tlangnak cu tuah a si  ko nan, a taktak ih thlun ding cu thil-ol a si lo ih, Doha hnakin 2015 conference ahcun leitlunpi boruak thleng danglam ih sa vivo nak kham theinak ding lungkimnak cu nasa deuh in nei thei dingah an beisei cio a si.

Comments

comments

Comments

%d bloggers like this: