Discipleship 101

October 1

Tlawngkai Ninga

Dungthluntu Sinak Zirnak Pakhat

Siar:

Marka 3:13-19

Minung hleihnih a hril ih ‘Tirhthlah pawl,’ tiah a ko. “Ka hnenih um dingah ka lo hril. Cule thusim dingah ka lo thlah ding.”  – Marka 3:14

Kumkhat Sung Baibal:

Isaiah 11-13

Efesa 4

Thilrem thiam ka si lo ruangah thilrem thiamzet ka rualpa cu kan innsang thilri rem dingah ka ko. A ra ih thilrem dingmi pawl cazin ka pek. Asinan nangmah te’n na rem a ttul ding i ti tikah ka khuaruah a harzet. Amah in ziangti’n tuah ding ti i hmuh, a tuah daan i sim ih ka kiang tein i umpi. I sim vekin ka tuah ih a siatmi ttha te’n ka rem suak thei. Hivek in zohtthim ding i hmuhmi cu Jesuh in a kawh hmaisabik mi a dungthluntu pawl hnenih a tuahmi thawn a bang awzet.

Jesuh in Amah thlun dingih a kawh hngai tikah A hnenih um ding le a thuthangttha, vancung uknak thu zirh dingah a duh hngai (Marka 1:14, 39; 6:12). Hmaisabik ah Jesuh hruainak tangah um a ttul. Amai’ ttongkam zir ding, Ca Thianghlim thuthup simfiang ding le Amai’ nun daan cawng dingah a si. Cuhnu ah a sim vekih sim ding le a tuah vekih tuah dingah a thlah hngai (Mark 3:14-15). Himi ttuanvo an ttuan tikah Jesuh rinsan ih um ding an si.

Tuni khal ah Jesuh in Amah thluntu pawl cu a har lomi, asinain hmual a neimi, a dungthlun sinak ih zirnak nei dingah in ko rerolai – Amah hnenah um in, a zirhmi vekih thlun ding le a nun daan vekih nung ding kan si. Tuni Jesuh dungthluntu na sinak ah Amah rinsan ih nungtu na si maw?    – Marvin Williams

Aw, Nangmah bang dingah, Aw Nangmah bang dingah,

Tlentu duhnung, Nangmah bangin thiang thei ning;

Na mawinak le Na famkimnak thawn ra,

Ka thinlung sungah Na sinak khencih hram.   – Chisholm

Dungthluntu sinak cu pehtlaihnak le tontehnak a si.

(Visited 31 times, 1 visits today)

Comments

comments

Comments

%d bloggers like this: