Diriamzet in Um aw

March 31
Zarhte Ni

Diriamzet in Um aw

Puai tuah ni ni netabik le ni sunglawibik ni ah Jesuh cu a dingih aw ringzet in, “Zokhal ti a haal mi cu ka hnenah ra sehla ra in seh!” a ti.
– Johan 7:37

Bible Siar Ding: Johan 7:37-8:12

Mi tamsawn in tidai thawn baptism conak cu atu le tu kan hmu ih a sullam khal kan thei cio. Asinan Pathian ih in duhsakbikmi cu Thlarau Thianghlim thawn baptism hi a si ti ka lo theihter duh nasa. Bawipa in Thlarau Thianghlim ih tleunak le phuanlang awknak huham cahnak sungih na hnimpil (immersed) awk ding le cuti’n Thlarau Thianghlim Pathian ih huham in na nunnak pumhlum a lo ciah thluh ih Pathian huham ih umpinak sungih na tlanlen lai hlan lo hnimpil aw ding a lo duhsak a si.

Puanthlaam Puai (Feast of Tebernacles) ni ih mipi pawl cu Jesuh in a hmuh tikah raalringzet le ciamciam te’n a zoh ih an khuaruahnak le an thinlung sungmuril ih an tumtahmi pawl a thei thluh.

Jesuh cu Thlarau Thianghlim thawn a khat! Amah cu duh a nungzet, ziangahtile Pathian ih vanlam nunnak a nunnak sungih a luang ruangah a si. Thil umtu daan ziangti’n a zoh hliah ih fimkhurzet in ziangti’n a cangvai ti zoh hnik aw. Jerusalem ah puai tuahnak hmun ih teltu pawl cu thin diriamnak taktak nei loin innlam ah an tlungkir saal timi a thei. Bawipa cu zohman diriam lonak hmun ah a diriam thei ve lo.

Bible sung khuitawk hman ah tirawl ei ding nei lo, taklawng in, thinharnak in khat, khawsia ih luhhnawh, buainak ihkhat, le tisami sinak hlirin na khat ding ti nganmi a um lo. Hih puai hmun ih a ratu pawl cu an rat hlan hnak hmanin thin diriam lonak in an khat sinsin. Jesuh in cumi dinhmun a theih ruangah hiti’n a ti, ““Zokhal ti a haal mi cu ka hnenah ra sehla ra in seh!” a ti (John 7:37). Thukam Hlun sung khal ah Bawipa in, “Ra uh, ti a haalmi hmuahhmuah ra uh, hinah tidai a um” a ti (Isaiah 55:1).

Maw duhdawtmi, Bawipa hnenah ra pan zaang aw. Amah in na nunnak ih tihaal riamter theinak huham a nei a si. Zumnak thawn A hnenah rak pan thlang aw. Na thlarau thinlung taksa nunnak tlamtling thawn a lo thuam ding.

Pathian ih kutcak cu zaangfahnak in a khat. Kaphnih har naam vek a simi A Ttongkam cun ziangtinkim a tthenfiang thei. Nunter theitu Thlarau Thianghlim in a thihter duhmi a thihter dingih cuti’n A thosaal nunnak huham in na nunnak a lo thlengh sak ding.

Jesuh Khrih ih thihnak in Khrih ih nunnak a run keng.

@ Smith Wigglesworth

(Visited 20 times, 1 visits today)

Comments

comments

Comments

%d bloggers like this: