Diriamnak

Diriamnak
Siar:

1John 2:12-17

Leilung le a sungih a ummi thilri, milai ih an tlaihsanmi pawl hi an hloral vingvo zo;
asinan Pathian duhnak a tuahtu cu kumkhua in a nung ding. -1John 2:17

Kumkhat Sung Baibal:

Tta Hla 3-5

Thufim 9:10-18

Hlan ahcun, taklawng zuk hi a thupte ih tuahmi a rak si na’n, atu ahcun, langhngan ih tuah a si thlang. Internet in olten ngah thei a si ruangah kumkhat ah paisa billion tampi ngahnak hnattuan ah a cang. Asinan himi hin mi tampi hrangah nupa tawh awknak, hmual nei lo biaknaklam hruaitu le mi ih upat mi si nawn lonak a suahter.
Tirhthlah John cu Khrih le Kawhhran duhdawtnak lam ah hminthang a si. 1John 2:12-17 sungah pa le mino pawl hnenah raalring dingih a pekmi hiarnak pathum cu:

* Tiisaa hiarnak: Nomnaklam ah khop ti a um thei lo ih hawlnak cu taksa sungah meiling vekin a alh ih diriam ti a um lo.

* Mit zoh hiarnak: Cawl loin leitlun lennak le thilri a hawltu cun mih thil a daw ringring.

* Mihngal sinak: A uar awzet mi thinlung cun porh awknak a hawl. Asinain leitlun sunlawinak cu zamrang te’n a hlo saal thei.

Taklawng zuk pawl in a hmangtu le a tuahtu pawl an siatsuah. Diriamnak um thei lomi hiarnak a suahter. Diriamnak taktak cu, kumkhua a daihmi thil kan duhnak, Vancung ih kan Pa Pathian le Amai’ hmuihmel keng ih a sersiam mi pawl thawn a dikmi pehtlaihnak kan neihmi in a suahter.
Leilung le a sungih hiarnak hmuahhmuah cu an cem leh ding. Sihmansehla, Pathian ih duhnak a tuahtu cu kumkhua in an nung ding (1John 2:17).
Jesuh lawng in mi lung a kimter thiam,

Ka hrangah hmin dang a um lo;

Duhdawtnak, nunnak le nomnak,

Jesuh! Na sung lawngah a um.

Sunglam nun hnangam daihnak taktak cu sunglam nun thianhlimnak ihsin a suak.

Comments

comments

Comments

%d bloggers like this: