Dinhmun Bangawklonak San

14192510_1176940752363207_6794230671636930056_n

Chuan le Jing cu tlawng an ttheh hnu rei lo te ah thil zuarnak company ah an lut tlang. An pahnih in hnattuan an taima zet.

Kum tampi a rei hnu ah an boss in Jing cu thil zuar hohatu ah a kaisanter. Asinan Chuan cu thil zuartu menmen a si lai. Ni khat cu, Chuan in a tuar thei nawn lo ih an boss hnenah hnattuan ihsi suahnak ca thun phah in, an boss cun hnattuantu mi taima pawl a sunsak lo ih, amah tlontu lawng an dinhmun a kaisanter tiah a mawhthluk.

Boss cun Chuan cu kum tampi sung taima zet in hna a ttuan ti a thei. Asinan Chuan le Jing karlak ih um mi danglamnak pawl kha Chuan in a theihtheinak ding ah a hnuailam vekin a fial.

Boss: Bazar ah feh in dawnfawh zuartu va hawl aw.
Chuan: Awle. (A va hawl hmuh hnu ah a ra kir.)
Boss: Kg khat ah ziangzat in a zuar?
Chuan: Ka va sut sal ding. (A va sut sal hnu ah, Kg khat ah $12 a si thu a ra sim.)
Boss: Asile khami thotho kha Jing ka sut ding. Va ko aw.

Chuan in Jing a va kawh hnu ah, boss cun bazar ah dawnfawh zuartu va hawl ding in a fial. Tawkfang ah Jing cu a ra kir sal ih, dawnfawh zuartu pakhat lawng a um thu a ra sim.

Boss: Kg khat ah ziangzat in a zuar?
Jing: Kg khat ah $12, kg 10 ah $100, a tang lai mi dawnfawh 340 a nei. Cabuai parah dawnfawh 58 a ret. Dawnfawh zate’n kg 15 hrawng an rit cio. Thlanglam ihta kan dunglam ni hnih ih a lei mi an si. An tharhlam ih an sen. Dawnfawh ttha an si hai.

Cumi a theih tikah Chuan cu a mang a bang zet ih, Jing thawi’ an danglamnak a hmusuak. Curuangah a hnattuan ihsi suak lo in Jing hnen ihsi zir ding in thutluknak a tuah.

A hlawhtling sawn mi minung cu a hmu thiam sawntu, a ruat tam sawntu le a thei thuk sawntu an si ttheu. Thil bangrep hman ah, a hlawhtling sawn mi minung cun hmailam kum tampi tiang a hmu cia ih, kannih cun thaisun tiang lawng kan hmu ttheu. Kum khat le ni khat ih danglamnak cu a let 365 a si tikah, ziangtin na neh thei ding?

Na nun ih hmailam ziang can tiang na hmu cia? Ziangtluk in na ruat thuk? Tu ah vun ruat hnik aw!

Hram: The Living Treasure

Sianglianuk Kianghrol

Comments

comments

Comments

%d bloggers like this: