Dingthluk Lairelnak Um Lo

October 15

Tlawngkai Nikhat

 

Dingthluk Lairelnak Um Lo

                                                           

Bible Siar Ding: Matthai 20:1-16

 

Sikhalsehla kanmah ih ruangah Pathian in sualnak zianghman a nei lomi

Khrih kha sual ah a canter ih cuticun Amah ih zarah

Pathian ih dingnak kan ttawm venak dingah a si.  

– 2 Korin 5:21

Ka uanu pawl in zuam awknak ih hmat (score) pek daan an thei. A thlau awzetmi le danglamnak a langfiang keukeumi leentecelhnak zuk pawl asilole thilti daan pawl ah ka nu le pa in, “Cumi cu dingthluk lairelnak a um lo a si” tiih au aw cu an thei ding.

Kannih zumtu pawl tla vancung ih a ummi kan Pa Pathian hnenih kan lehrul daan vun ruat sehla cumi thawn a dang awtuk lemlo men ding. Christian midang pawl ih nun thawn kan vun tahtthim awk caan ah aw-suak rori in in kan simrel ding maw asilole a malbik ah kan thinlung te’n “A va ttaza lo ve,” tiih kan ruah caan a um ve men ding.

Pathian cu dingthluk lairelnak neitu asinan A thiltuahmi ah a ttaza lozet a bang ttheu. Jesuh in cumi fiangternak dingah tahtthimnak thuanthu tawi pakhat a sim. Sabit hmuan neitu pa in hnatuantu mibur pawl hlawhphal dingin a saang hngai. Hna an ttuan hlan ahcun hnatuantu mibur pawl in an hlawhman cungcang ah lungkimnak an nei. Asinan a netalam ahcun anmah hnu ih thleng le anmah hnakih hnattuan caan mal pawl thawn an ngahmi hlawhman a bang awk tikah an lungkim thei hrimhrim lo.

Pathian hi A hnattuan daan ah dingthluk lairelnak um seh tiih dilngennak kan neih hlanah kan vun ciinken tthat ding ummi cu A Fapa Jesuh kanmai’ sualnak hrangih thihnak a tuartermi hi a ttaza lozet timi thu hi a si. Jesuh cu kannih leitlun misual pawl ih cawhkuan tuar sak dingah a phu lo, cucing cun Pathian in A thinhennak zate kha a parah a burh thluh ih nangmah le keimah can ai ah thinglamtah parah a khenbet a si. Jesuh ih thihnak in Pathian ih dingthluk lairelnak a lungkimter ih kan rundamnak hrangah a famkim tawk, asinan cumi cu a ttaza kan ti thei hrimhrim lo ding.

Vancung ih um kan Pa, a ttaza lozetmi Jesuh thihnak in Na dingthluk lairelnak hrang lungkimternak le ka rundamnak in lei sakmi parah ka lungawi.

Ka nunnak hi midang pawl ih nunnak thawn ka tahtthim awk dah maw? Cumi in ziangti’n Pathian thawn lungkim awk lonak ah i hruai?

 

@Pennington

(Visited 27 times, 1 visits today)

Comments

comments

Comments

%d bloggers like this: