Dil Aw

December 3

Tlawngkai Nikhat

 

Dil Aw

                                                           

Bible Siar Ding: Jeim 1:5-8

 

Nanmah lakah fimnak a tlasam mi nan um ahcun Pathian hnenah dil sehla Pathian in a pe ding. Ziangahtile zo hnen khalah Pathian cun siangzet le zaangfahnak thawn a pe a si.

 –  Jeim 1:5

 

Thil hrekkhat kan hnenih a ra thlengmi pawl hi amahte a tthangso reromi sung ihsin an si ttheu. Thlarau rah pawl – duhdawtnak, lungawinak, hnangamnak, lungsaunak, mi zaangfahnak, tthatnak, rintlak sinak, nunneem tangdornak le suup awk theinak (Galati 5:22-23) – pawl tla hi kan nunnak sungah Thlarau Thianghlim ih hnatuannak kan hngatsannak ihsin a karhzai vingvo dingmi a si. Asinan fimnak (wisdom) cu Pathian in thungaithlak ih hawl le dil hnu lawngah ngah theimi a si zia in sim.

Kannih hi fimnak nei cia suakmi kan si lo. A lingletpi (opposite) a si. Thufim 22:15 in, “Nauhak thinlung sungah aatnak le huatsuahnak a um ringring” a ti. Sual sinak nei cia le thinlung khuaruah ttha lo nei cia ih suak kan si. Fimnak kan duh asile Pathian hnenah pan ih dilngen ding kan si.

Mi tampi in theihthiamnak (knowledge) cu nasa takin an hawl na’n cuih theihthiamnak a hmangfuh theitu fimnak (wisdom) cu an dilngen lo. An thluak cu thu le hla (facts) hlir in a khat ih leitlun tah daan cun an tawk nasa, asinan an zir ngahmi cu Bawipa lungawiter ding le anmai’ tthansonak hrangah tthahnemzet ih hmanfuh daan ding an thei lo. A poizetmi cu thiam awterzet ih zianghman thiammi ngaingai nei hnai lo an tam hi a si.

Pathian hnenah thil tampi kan dil. Fimnak na dil netabik na thei aw maw?

 

Vancung ih um ka Pa, Na fimnak hawl dingin in bawm aw,

Nangmah lungawiter dingin a hman daan ka thiam theinak dinah.

Tuni ah Pathian ih fimnak ziangtluk in ka ttul, ih

A hnenah cipciar in fimnak ka dilngen maw?

@Ava Pennington

(Visited 29 times, 1 visits today)

Comments

comments

Comments

%d bloggers like this: