Diamond Thawn Tuahmi Meithal AK – 47 Honduras Ram Ah Kai

_65114500_goldegunTEGUCIGALPA : January 7, 2013 Monday sun ah, Honduras ramsung, Ciudad Jardin timi khua ah, diamond lawnglawng ih tuahmi AK-47 meithal cu cozah thuneitu pawl in an kaihngah thu theih asi.

Hi meithal hi zota asi ti tuini tiang ah cun theihfiang ngaingai a um hrihlo nan, Mexico ram mi, rittheihthil zuartu Zetas group ih ta asi an zum. Hi meithal hi, diamond lawnglawng ih tuah asi vek in, a man hi US $ 50,000 tluk asi.

A zaten diamond lawnglawng in an ceimawi thluh ih, himi an kaihrual hin meithal dang le ralthuam ci 32 khal an kaitel. Cumi an kaihmi lak ih tel pawl cu, grenade launchers, grenades, night vision goggles le meithal mu ih kahtlang theihlo mi kawr pawl an si ih, hipawl hin US $ 2 million tluk man hrawng asi ti in cozah thuneitu lam cun an sim.

Hi Zetas hopawl  pawl hin, Mexico ramsung ah rittheihthil nasazet in an phurlut ih, cozah thawi andoawknak, an zuarmi rittheihthil ih mi a tithihmi pawl le  midang thawn an doawknak pawl ihsin kum 6 sung ah mi 70,000 tluk an thizo. Hi Zetas pawl hi Central America, South America le USA pawl ih rittheihthil phurluttu group tumbik pakhat khal an sive ih, cozah tamtak ih kaih an duh ringring mi pawl an si.

Comments

comments

Comments

%d bloggers like this: