Denmark Ih Millionaire Nu

eccpMi vanṭha hrimhrim tla an rak um ih zuamnak ruangah mi neinung ih cangsuak khal siarcawklo an rak um thotho.

Tui baihte ihsin Denmark ram ih minu leitlun millionaire ih ra cangsuak thuhla hin mi ziangmawzat phurnak a pe hrimhrim dingah a zum um zet a si.

Global shoe company Ecco neitu Hanni Toosbuy Kasprzak, 55 ih mineinung lang bang asinak ih dunglam ah harsatnak tampi le thuthup phum-aw a um a si. Kum ziangmawzat liam ahkhan Hanni ih pa Karl Toosbuy cu Copenhagen ah feh in amahte nunbul thok dingah a rak um. Hanni ih pa cun, an mawṭaw, an inn pawl a zuar hnu ah Denmark ramtṭhing lam pan in a feh. Cunah Hanni hi kum 5 lawng a rak si lai.

A pa cu kum 17 a si lai ihsin but tuah a rak zir zo. 1963 ihsin factory siat tung ding, dingah a pum a rak pe aw. Nauhak ihsi but tuah thiam a si ruangah but hruh nuam le nuam lo pawl khal a thei ṭheh. Ahleice in, Italy pawlih but tuah cu a tet thei tukih cuvek pawl tla ka zoh hliah zawk rero tiah a pa cun a rak sim dah. But hruh nuam thei dingah a rak tuah thok ih a cangvaihnak a lang vivo ruangah 1999 ah a thuhla pawl mipi theih dingah cabu thawn an suah.

Vansiatthlak zetin a pa cu 2004 ah leitlun a suahsan. Asinan, a fanu Hanni cun a pai Ecco chairman dinhmun a kaih sak thei.  Tu dinhmun ahcun Ecco cetzung cun leitlun ih but ziangvek khal a tuahsuak ti thei a si zo. An company cun nikum ah billion 1.3 lenglo but an zuar suak ih tuikum ah 16 % tlukin an khawng tam bet.

Ecco hin hnaṭuantu 20,000 lenglo, ram 50 lenglo ah a nei ih nunau mipa le nauhak but pawl tiangin an tuah. Kum 2013 leitlun milian hrilawknak ahcun a lang ban ciacia tiah tarlang a si. Tuik kum ah an company 50th a kimnak an lawm sal zo.

Comments

comments

Comments

%d bloggers like this: