Dengue & Malaria Natnak Ralrin Ding

Voknat tlangrai (Swine Flu)

(Ralrin daan ding tlangpi)

Voknat tlangrai ziangtin a karhzai?

Himi natnak hi vok ihsi suakmi natnak a siih “swine flu” tiah kawh a si. Natnak hrikcu hmuh theihlo asiih khuivek hmun khal ah a um thei.

Voknat tlangrai thawi damlo pawl ih khuh le hahthio caan ah an tlangrai natnak cu midang hnenah an suansawng vivo thei.

Hmuh theilomi voknat tlangrai kengtu mipakhat ih kaa in asilole a hnaar ih thawsuak mi cun a kiang naibik ih um pawl hnenah a suan sawng vivo. Cun, a hrik kan tham ngah pang tikah kan kai ve thei thotho.  Himi voknat tlangrai hrik hi minung taksa lenglam ah nazi pa(8) hnak ih rei a nung thei.

Swine flu natnak na kai tiah ziangtin na thei aw ding?

  • Na khuasik ding, asinan tlangrainat vek asilo ding, acaan ah a reh ding.
  • Na khuh ding
  • Na hnap a dawp ding…na awm a naa ding
  • Na taksa a thak ding
  • Na lunaa ding
  • Na sikserh ding
  • Na thacem, caurau tuk in na um ding
  • Na sungdok luaksuak in na um ding. Sungdok le luaksuak dang vek asilo ding.

Voknat tlangrai ihsi na venhimawk daan ding

  • Na kut faitein na kholh ringring ding. Ahleicein veikhat na kholh caan ah sekan 20 sung tal na kolh ding cutin voknat tlangrai hriksia cu na venghimaw thei ding.
  • Na khuhkhuh caan ah le na hahthio caan ah puante/tissue tivekin na tuamaw ding. Cun, na kaa le na hnar puante mash thawn na tuam thei le a tha sinsin.
  • Voknat tlangrai tuartu thawn komaw hlah, thil hman tawm hlah. Tidai khal hlawmawk lo a tha.
  • Swine flu hi suanawk a oltuk ruangah na hmai, na kaa le na hnaar pawl tham rero hlah.
  • Tlangrai ih na damlo deuh tikah inn ah um tam deuh aw. Vak hniai hniai hlah.
  • Tlangrai ih a lo nehlonak ding ah khopkhamten it awla, tidai tampin in aw. Hanghnah hangrah le thingthei  rah thatha na ei thei asile a tha sinsin.
  • A thupibik lakih pakhat leh cu thianghlim ten um ding a si.
  • Nan hman tawmawkmi thilri pawl faiten na ret ding.
  • Rawlsuan, rawl ei le thil dangdang tuah tikah kut faiten kolh ding a thupi.

Alarzetmi Malaria tlangrai & Natnak dang pawl ihsi na luat daan ding

Malaria ziangtin kan suanaw thei?

Mikeu/thausi nu pawlin an lo keu tikah olaiten malaria natnak na taksa ah a thleng. Cutin cuiih hrikcun na zungzam zaten a fan vivo.

Malaria natnak ziangvek a si?

  • Sikserh in na um ringring ding
  • Na tak a saa ding, na lu a naa ding
  • Na thlanhri puut mi cu, luunaa in a thlun ding.
  • Na luaksuak ding ih na taksak a naa thiamthiam ding
  • Hih natnak hi a luarkai tuk pang asile thinthling natnak tiang a thleng theu.

Dengue/Khawsiknat danglam

Ziangtin dengue natnak khawsik tlangrai pawl hi kan suanawk theu?

Himi thu khalah mikeu a nu pawl ih an lo keu ngah tikah (khawsik natsia) na kaih cih ding a si. Cucu suanawknak olbik khal a si.

Dengue natnak thawn na naa tikah…?

  • Na khawsik a sang ding ih na lu khal a sa zet ding
  • Na taksa a thak zet ding
  • Na taksa a bol dingih na vun rawng a danglam ding
  • Na lu a naa ding, na mit le na hnaa khal a naa zet ding.
  • Na ek le na luak a thi ding

Ralrinnak daan ding

  • Nan tidai retnak belpi kha faiten nan ret ding…nan khuh ding.
  • Cooler sung, bur lawngtete pawl faite ih ret ding a thupi.
  • Khuat bal tikvek le bel baal tivek ah tidai ret lo ding.
  • Mikeu ihsi natnak thok a si ruangah khianthong mikeu lut theilo zar ding a si.
  • Na innsangka pi le te pawl ihzik tivek ah khar khepkhi ding.
  • Mikeu si a phunphun thawn mikeu pawl do ding a si.
  • Tilik kiang tivek ah reipi din lo ding. Natnak a tam cuang.
(Visited 72 times, 1 visits today)

Comments

comments

Comments

%d bloggers like this: