Delhi ih Chinmi Thenkhat Refugee Puai ni ah Mualpho

A zohvelo le hmuvelopawl hitin tawi famkim in kan lo sim ding “November 11-13, 2009 ah BCRC in raltlanmi zate hrang lehnak ropizet cu Vikaspuri Field, New Delhi ah a tuahsak ih cunah kan Laimi cu Ramsa/Kiausa dan le dun neilo vekin thisen suak koin Refugee kan si ruang ih inzangfak zetih tupawl India hotusang upapawl hmai ah kan thawi aw” a si cu! A tawpnak ni (13-Nov) le phei cu sual aw hlir ten kiltinah kan khat. A khamtu khal zo asi ti khal ruat lovin an rak sit/thawng ve hluah hlo duh! Kan Laimi in kan upat zet mi Pastor si rori hman kut rak thlak duh tu kan um asi! Liamcia thil a si ko nan, hngilh men ding khal a si ko nan kan hngilh thei hrimhrim lo.

Parliament ih rorel upa pawl ih duhdawt ding le zangfah sawn ding in um loin ramsa le ramthim minung bang in mino siarcawklo cu khuallian hmai ah an thawi aw cupco hmuh hi cu aw! Ningzak le mualpho timi tongfang hmanin a daih nawnlo. Kawlpawl tong in tua-bii kan si. India hotu upapawl cun in zangfak ih bawm in tum rero tilaiah an hmai ah zuritruangih wrestler micakbik hmang kasi ti aw in mi thisen kan suah, kan aukio rero. Khami ni ih kan khuallian pawlin Kawlrammipawl hi ziangtin in ruat ding? In ngainep cia thawn kan zuri, kan thawiaw in hmu sinsin cu “barbarian” (serh le sang neilo ramthim miphun, mi nunrawng) kan si ti aw sehla kan duh ding fawnlo.

Lai mi cu kan Hmel a?ha kan Thluak le a ?ha fawn tiih kan tiawk hman ah ziangtin in zum thei ding…? Zuripawl lawng siloih Laksawng lak ding ih a lektu pawl tiang ih a netnak ih anra suah tik ih zuri pawl buai thintuarlo ih rak sual aw cih ve la la len kan um fawn! US vekih zuri poh poh zangfahnak le dimnak nei lo ih Thawnginn thlak hmuahhmo theih sisehla cu kan danglam deuh ding nan. Hmailamah teh hivek kan si cun kan puai ni ah in ra tel pi duh ding na zum maw? UNHCR Chief of Mission cun Open House meeting (November) ih a rel dan ah ‘hivek lungawi puai nan tuah thei hi cu ka lungawi tuk, hmaikum lam cu ka ra ve ding’ a ti! Thungai sawn cu, Sualawk buainak, thisensuahnak le Thinphannak puai sawn asi ti thei seh la teh ziangtin ha athuai ih um Refugees pawl hi in ruat hai ding?

Ruah tul mi:
Kum tin lehzuamawknak ah kan buai ringring ti theicing in ziangah hivek puai kan tuah sunzawm rero? Ziangah kan rak telve theu? Community tin ih thlahmi security pawlin teh mibuaipawl kan control thei taktak maw? Ziangah thisensuak tiang in kan milesa kan thawiaw ter rero? Lehzuamawknak ruangah maw, zu kan rit ruangah maw, sanmanlo mi kan si ruangah maw? Asilole, ziangruang bikah si kan thawiaw; zo a mawhbik ding?

Ni 13 November bawhlungsitpuai ih thangthar nonawn thawiaw rero ding in aa ko, a tuahtu kha an in mi Zu ruangah maw, zuamawknak puai ruangah maw, asilole security pawl ih control nehlo ruangah maw asilole puai a tuahtupawl ih tlamtlinlonak ruangah ha a si timi cu kan theihfiang a cu thlang. BCRC in lehnak puai a tuah naksan hi mipi buaivai ter ding leh India hruaitu pawl hmai ih kan taw hlip ih in mualpho ding hi an duhsan a si maw? A rak silo khal len atuartu miphun hrangah cun a rah rasuak mi hi a dang cuang fawn lo, a pawi tuk aw! A veikhatnak a si nawnlo ruanagah hmaikum ah hivek ih thisen suahaw sal ding le mualpho lehsal ding kan si ahcun mipi kan tel nawnlo a tha sawn pei maw? Kumtinten kan mualphonak a nasa tuk zo. Puai hi a nuam kan ti cio. A sinan khavek buainak duhnunglo zet rak thlentu sawn asi ringring ahcun ziangah kan duh nawn ding? Miphun dang ih ngaisanlo kan si cia ih hleiah kan mah le mah cu Kalapawl hmai ah kan hei thawi aw ciamco bet hrihlai.

Tu ihsin kan zaten tangrual in Zurit sualawk buai hmang, mi thisen suah duhtu pawlhi kan miphun ral, inti mualpho tu, kan harsat mangbang lai ih kan neihsun thuam le hnaw ei ding in lawngsaktu an si ti hi kan zaten thei cio uh si. Ziangruangah kan nih cu kan ning a zak ding?? Zaklo e, Sanman lo leh buainak tuahtu pawl sawn Ningzak le leisinbih in um haiseh! Cui hnu lawngah kan zaten hmai kan nawr thei ding. Tu cun mualpho zuripi in mah le unau kan thawiaw nawnlo ding. Buainak a um ding ti kan theih asile kan fehlo mai ding. Ziangah mah le mah kan mualphoh aw rero duh ding. Mahtehman harsa-te, raltlan vakvai ho khaw kan si ee! Duhdawt aw ih run aw rero ding kan si sawn. Mi’h hmuhsuam ding in um hlah uh si. U nauza kan si bangin kan kut kan sih hnget sinsin ding.

Rawtnak:
Lehzuamawknak (sport) kan tuah tikah hnam feeling/miphun feeling kan nei phahphah thlang a bang. Falam, Hakha, Tidim le Matu etc…cu cu thil duhnung lo zet asi ruangah kan zaten a dangdang in thenaw lo in rawiaw sawn sehla cule lehzuawmawknak ih a duhsanbikmi lungrualnak, theiawlo pawl theihawknak le rualpi thaawknak ah a cang sawn lo ding maw tihi kan upa pawlin ziangtin an ruat timi theih a cak um zet.

(Visited 57 times, 1 visits today)

Comments

comments

7 Comments

  1. A hman tuk … hi mi hi ka rak ruat ve rero mi asi. Fiang ten na rak rel suak ih ka lungkim nasa

  2. Zu in lo khal hai sehla buai duh pawl cu an buai thotho ding nan fim hring ah cun buai a har deuh.
    Zu maw a intu a mawh? ti sehla a in tu famteh tiah ka lo sang ding. Zu cu a mahte um men a si. A umnak hmun ih zir in tualthahnak, buainak, thawiawknak, remnak, lungawinak, hnihsuaknak, nomnak ti pawl a phunphun a suak ter thei.

    Puarthau pai pumsungih a lut le mi velh.
    Zaidam pai pum sungih a lut le mi tanpi.
    Hnihsuak sai thiam pai pum sungih a lut le hnihsuak.
    ti vek in a phunphun a um fam teh.

    A thupibik ah zu cu in lo lawlaw a tha bik. Zu in cu Pathian thu kalh khal a si.
    A hlaice in Laimi pawl.

    Hivial in si mai seh.

  3. Mai ram sunghman ah puaipi ni vek ah cun buai hi a rak um ring2 ko…um lo thei bikin kan ti hman ah an um tho2…hnamdang thawn lo hman ah mah le mah vial vasi khal sehla a dang cuanglo…USA leh ram thum nak feh dingih um cio kansi ruangah kan um nak ding ka thlenhlan sungcu puaivek hi tuah thei ah cun a tha ko nan tuah lo hi tha ka ti deuh…ziangruangah tilen laimi hin nuam nak dingah tiih zuu hmangkan tam…zuu kan duh sa kan duh..zuu in hi kham aw rero khal sehla a um lo nan hmun a vasi hman ah laimi um nak ah cun a um tho2 ti asi…asi kan laimi mualpho nak le kan si nak a lang zia pawl na rawn ngan hi ka lungawi in hmailam tan lak nak asi sawn ding ti beisei nak thawn…ram le miphun hrang na hna tuanpi

    Mike Mangte
    USA

  4. Hi vek ih Laimi puai tin te ih kan buai theu hi ningzah za a si. hi mi in ziangvek thinlung kan pu ti a ti fiang tuk. kan thinlung put a niam tuk ti a fiang, cuhleiah ramsa le sal (Slave) thinlung lawng kan pulai ti a fiang.
    Kan umdan pawl zoh in a thalo mi rem ih, thinlung pitling le Upa thinlung nei thei ding in ka zuam a tul a si. Cuti a silo ahcun hmailam khal ah kan mual pho ring ring ding.

    Lal Nun
    Delhi ramcar

  5. Hi Ca ka siar in ka thin a bang vutvo.
    Kan Lai mi hi vek kan um lai maw si.
    A siar hman ning zak a um a si si.
    Kan mah cu Lai mi hrang ih kan ti rero lai ah kan mah le kan mah ka buai re ro lai maw ? kan lai Ram.
    IN ngai thaim maw>!!!!!!!!!!

  6. na rel vek a si ko ding . kan hnam feeling ruang deuh a si ding ka zum. Cun Kan nin Lai mi hi kan thlen nak tin ah mah khua ke ram vek in ka ruat vivo ih, fimkhur nak cang kan thiam lo deuh tla a si ding. Hnam feeling hi a hloh vuar vi hlan ah cun duh vek in kan lung a rual thei ding ka zum lo. Cu lai ah. HOTU mi hrek khat le hnam feeling nei tak tak an si pang cun., A khing cia mi kha khuai bet lo ten a erh dan ngaih tuah khawm a cu tuk thlang a si cu.

  7. A rel cu kan thiam dih ko ding ka zum nan awttu ( hmai suang tu ) kan um lo ruang ah si in ka thei.

Comments

%d bloggers like this: