Delhi ah Union Day of Burma hmang

news041Kum 1947 ih Kawlram in Britain lak ihsin zalennak a ngah hnu ah, Kawlram sungih um, hnam tenau pawl le a ram laili bik ih Kawl cozah thawn, hmailam can ih zalennak hmual thuk sin le nasa sawn ih fehpi a si theinak duhsan in Panglong Agreement (Panglong rualremnak thukam) timi hi rak tuah a si.

Hi Panglong Agreement an tuahnak ih sulsutu, innsungih kharkhih tuar Aung San Suu Kyi ih pa, Gen. Aung San le hnam tenau, Shan, Kachin le Chin pawl cun, Shan ram sungih um, Panglong khua ah rualremawknak hridai hi an rak khih a si.

Hi rualremawknak thukam hin, kum 1948 ih cozahpi in dan a tuahmi ah, zalennak ziktluak ngaingai a nei lo timi a pho langih hleiah, cozahpi cun hi rualremnak hri an khih ni khal, ni hminsintlak ih a ret duhlo ruangah, ramsungih um hnam tenau pawl in a cozahpi lak ihsin lungawilonak neiih, hel an rak suahnak a si.

Cui kan hruaitu tihzah tlak ngaingai pawl in, harsa zet ih zalennak an rak hmuh ih, rualremnak hri an khih ni cu New Delhi ih um Raltlan le tlan lo khal, Kawlram mi hmuahhmuah cun, sunglawi zet ih hman a si.news03

National Coalition Government of Union of Burma pawl hohanak in, Date 12th Feb’ 2009 ah, Maharaja Banquet Hall, Asalatpur, Janakpuri, New Delhi – 58 ah zinglam nazi 11:00 ihsin thok in, zalam nazi 5:30 Pm tiang hman a si. Upa le hruaitu pawl in thusimnak tawi an neiih, hnam lam (Cultural) dance khal neih a siih, kan unau Naga pawl khalin in ra sunlawih pi ve. A news02pungkhawmtu mipi pawl khal rilrawng ih um lo in eiin thaw zet pek an siih, hnam tin ihsin hlasaknak neih tel a si.

Kan Laimi lak ihsin Pu Tial Khal in thusimnak a nei ve ih, kan zaten kan tanrual khawm ih, hmai lam panih kan feh a tul zia le Kawl hruaitu hrekhat thawn an tawnawknak pawl khal ngai nuam zet in simnak a nei. Kan Chinlandtoday thuthang lakhawmtu khal hi hmun ah hin feh ve in hotu mallai thawn tawnawknak neiin, thuthang lakkhawmnak le thusuhnak mallai a nei.news

Hi Panglong rualremnak ca an tuah laiih hmin rak ngantu pawl cu:

Shan Committee:
Sawbwas: Tawnpeng, Yawnghwei, North Hsenwi, Laika, Mong Pawn, samonghkam
and representative of Pawnglawng. Shan people: Tin E, Kya Bu, Sao Yapa Hpa, Htun Myint, Hkun Saw, Hkun Htee

Kachin Committee:
Myitkyina: Sinwa Nawng, Zau Rip, Dinra Tang Bhamo:

 Zau La, Zau Lawn, Labang Grong

Chin Committee:
U Hlur Hmung, U Thawng Za Khup, U Kio Mang

Burmese Cozah:
Aung San

Comments

comments

Comments

%d bloggers like this: