DELHI AH CHAPCHAR KUT (4)NAK HMANG

DELHI AH CHAPCHAR KUT (4)NAK HMANG

03Tuini 12th Mar’ 2009 (Tlawngkai ni 6) ah Delhi ih um Refugee le Refugee lo khal siseh, mizo le mizo ti aw, kawlram mi khal zo khalih hman thei dingih tuah mi cu hman a si. Himi ni hi a vei (4)nak a si thlang. Hi ni ahhin Mizo khal siseh, Kawlram mi khal siseh, hi mi ni hi nuam zet in, mai hnatuannak ihsin cawl ih hman theu a si. Refugee hngak le hngak lo khal, Delhi ih rak um dah tam sawn cun, kan kawlram thil kan ngai zet theu mi, kawlram kuhva, kawlram thilri tam sawn zuar a si theu ih, kan ni sunglawi pakhat a si tiih mi tam sawn rel a si theu.

Hi can hi zinglam nazi 11:00 Am ihsin hman thok a siih, mipi 01tam sawn khal can khel in an ra thleng thei hai. Kan correspondent pakhat kha hini ah a hmun rori ah va feh in, upa hrekkhat kawmnak a va neiih, hi ni ih an khualliah (Chief Quest) khal hmaiton thusuhnak a va nei.

02Can hi hmun hnih ih then a siih, a hmaisa sawn cu Pathian thu lam deuh le thusimnak tawi a siih, cumi hnu ih mipi eiin ding an buaipi sungah can hnihnak hi hman thok a si. Cui can hnihnak cu hlasak thiam pawl hlasaknak, lam thiam pawl lamnak, capoh thiam pawl ih mipi awinak pawl an si.

Mizo lam Cheraw khal hini buatsaihtu BMC mino pawl in thiam zet in an neih hnuah, Chawnglaizawn lam timi neih bet a si. Hi can hmaisa sawn cem lam ahhin Chheih lam neih a siih, mipi lak ihsin khalin a huamhuam tel theih a si ruangah, kum upa lam le khual upa lam khal in, hi can hi hmang le lam in, mino zo cio khal pulpit lam ih tlem lo khal, mai umnak hmun theihtawk le mai lungkim ih lam a si.

A can hnihnak, (Entertainmnet – Program sheet ih nganawk 04dan vekin) himi can hi a par lam ih sim cia bang in, a can sau sawn hi mino pawl ih lak a siih, a hmaisa lam ah, hlasak thiam pawl in hla an sak ih, thuphuangtu pawl khalin thiam zet le mipi hna fah zet in an phuangih, a karlakah capoh mallai, mipi taw zawng ding kham tu hrangah tuah a si.

Cumi hnu reilo ah, lam thiam pawl in mipi lung hiarnak hlo ko in an thiam an hmuh ih, cuisin hnihsuak/capoh sai thiam pawl in an thiamnak hmangin mipi an awi. Hi mi sung ahhih, tlawmngai ih tuantu pawlin, mipi tam sawn ih ngai zet ding mi sang ban (Laisang/Mizo chhang) zemnak an neiih, mipi khawp ko bak ah a hlei tiang lei cia a si, ti cu a fehtu pawl ih lungkimnak a si.

Can hman cen hi a nizi hminsin a si lo ih, upa pawl ih an rak biak cia bangin, Bindapur, Community hall ih sian can sung hmuahhmuah deuh thaw hman a si. Can cem lam ah, nu le pa upa deuh pawl tlung hmansehla, mino tam sawn cu can cem phang zet bangin, innleng suak ding mi pawl ui zet in an rak zoh.

 

Comments

comments

Comments

%d bloggers like this: