December Thinlung

Siar: Thuphuan 22:1-5

Cuih hmunah zaan a um nawn lo ding, mei inn siseh, nitleu siseh, an t.ul nawn lo ding. Ziangahtile Bawipa Pathian cu an tleunak a si ding ih Siangpahrang bangin kumkhua in a uk lan ta ding. – Thuphuan 22:5

Kumkhat sung Baibal:   – Zekhriah 4-6  – Thufim 29:8-20

December thla cu mangbangza thil lamdang pawl lomnak puai tuah caan a si. Judah thuanthu nung ih Hanukkah puai cu meisa van puai a si ih sahriak malte in biakinn sungih meisa mit loin ni 8 sung a vang thei ti hngilh lonak a si. Khrismas cu leilung ih tleunak, minung pianhmang Jesuh ah a rung cang mi Pathian lomnak caan a si. Cuih thil lamdang hleice cu Pathian in milai ih theih ban lo le ruah ban lo huham leitlun ah a run thlah mi a si.

December ah cuih thil danglam zum lonak in kan cawl ih amah tein thilcangmi lawng a dikbik timi ruahnak khal kan pom lo. Zumlotu pawl hman in thil lamdang cu an hlam. Mi hmuahhmuah in thimnak, natnak le thihnak cu neh a si tiah an thinlung in an zum duh.

Mangbangza thil lamdang hleice hi Pathian ih thil lamdang tuah duhnak mizia ruangah a si thei men. December ih duhmi cu, “Thih a um nawn lo ding…. (Thup. 21:4) timi thil lamdang hleice cu mi hmuahhmuah hrangah thu ngaingai a ra can ding kha a si.

Pathian in satan ih uknak cu a cemter dingih amah cu tlolak uktu a si vekin dingfelnak thawn a uk ding.

Ka lungawi Bawipa, satan ih phenthlam in,

Na sunlawi tleunak a phennak leitlun ah kan um nain;

Na sunlawinak famkim in sersiammi zate a vanter saal ding ni,

Hiarhalzet in kan hngak.

Mangbangza thil lamdang cu zumtu le zumlotu pawl hrangah

sim fiang a t.ul lo.

Comments

comments

One Comment

  1. Lungawi a va um ve! Pathian thu thatha khal CLtoday ah kan siar thei ih. Saya Run par ah le CLtoday pawl nan zaten Pathian in ram le miphun hrang ah thlawsuah lo pek sinsin hram seh! Hmailam khal ah run sun zom vivo hram uh tin khal ka lo ngen.Ka lungaw..

    ### JUSTIN###

Comments

%d bloggers like this: