Dawnkhamtu A Um Nawn Lo

December 25

Tlawngkai Nihnih

 

Dawnkhamtu A Um Nawn lo

 

Bible Siar Ding: Hebru 2:5-10

 

Minung tampi in Pathian sunlawinak an co thei venak dingah ziangzongza a tuahtu le a nungtertu Pathian in harsat tuarnak sungin Jesuh kha mi famkim ih a tuah cu a dikmi a si.

–         Hebru 2:10

 

Sungtel sinak ding hril hi, a nasazet mibur a si khal ah, khawte lam mibur a si khal ah thinlung sungah a danglam hleiceter theizet. Zo cio khal in a tthabik mibur (group) pakhat ih sungtel si ding cu kan phur cio.

Khrih ih dungthluntu hrekkhat pawl cun Pathian in a tthabik mibur sungih tel dingah in duhsak ti vekin an cangvai. Kawhhran ih ra lengtu a lenglam mi pawl in kawhhran ih thuthup pawl zianghman thei lo vekin an ruat. Christian pawl in kawhhran sungih kan hmanmi ttongfang pawl hi kan sungih a tel ve hrih lotu mi hrekkhat hrangah vaivuannak a suahpi thei. Kawhhran sungtel ih kan cohlan hnu ah zumtu thar pawl cu rinnak ih nung thiamtu si dingin simzirh le kaihhruai an ttul.

Jesuh in thinglamtah parih thihnak a tuar cu mibur tthabik dinsuah ding tumtah in a si lo. Amah cu leilung runtu bawi a si (John 4:42). Thinglamtah parih a tuarnak in “mi zakip hrangah thihnak a tuar ih” minung tampi kha a sunlawinak sungah a hruailut thei a si (Heb. 2:9, 10).

Kan hmuitin cu mi pawl kan hnen tel thei lo dingih dawisuak khi a si lo. Kan tumtahmi cu kan tithei tawk mi tampi Bawipa thawn pehtlaihnak neihter ding khi a si sawn. Pathian in innsang tumpi a hawl rero a si.

Bawipa, midang pawl Na hnen thleng thei lo ko a dawnkhamtu si lo dingin in bawm hram aw.

Mi tampi Khrih hnen pan thei lo dingin dawnkhamtu ka si pang maw? Tuni ah cuih dawnkhamtu cu ziangti’n ka hloter pei?

 

@Ava Pennington

Comments

comments

Comments

%d bloggers like this: