Daw Suu Kyi Le Myanmar President Pawl In Chin National Day Falam Ah Hman Pi Menthei

A vei 69 nak Chin National Day, Falam khawpiih hmannak ah Myanmar ramdingkhawm ih hotulu Daw Suu Kyi, U Htin Kyaw, Henry Van Thio pawl in an tel pi men thei ti ah thu kan dong.

Chin ramkulh tlangbawi uktu bawi le Falam Puaipi cangsuak committee pawl January 5, 2017 ih thurel khawmnak ah Chin ramkulh uktu bawi Pu Lian Luai le a ho pawl cun Myanmar ram hotu lu pawl in a vei 69 nak Chin National Day hmannak ih tel pi ding an tumnak thu le, himi ni hrang kilhimnak nihnih duh ihsi timlam a tulnak pawl an rel pi tiin Chinland Today Media cun thuhla kan dong.

Daw Suu Kyi le Myanmar President pawl in Falam khawpiih Chin National Day an hman ding le ding lo NLD thuphuangtu hnenah hlethlainak kan nei nan thu letnak zianghman kan dong hrih lo. Suu Kyi hi 2014 ah Chin ramkulh hmun dangdang feh in mipi hnen party sawmnak a rak nei dah zo.

Chin National Day hi Falam khawpi, Zatlang inn piih Chin uktu bawi le upa pawl ih rak relcat mi an rak thoknak hmun a si.#

Comments

comments

Comments

%d bloggers like this: