Daw Aungsan Suh Kyi President Ngahtheinak Daanhrampi Rem Harsa

DSC01934

James Thang

2008 daam hrampi a thar ih tlengnak ah Ttaiyinta pawl bangrep covo ngah ding le cetral ih aana kaih tuknak tiniam ding lawng remtheih a si hmel ih Daw Aungsan Suh Kyi President ngahtheinak an khammi daan hrampi ih tel President quality ding ih an tarlangmi cu rem ding ah a awllo tin hlutdaw palai pawl in an sim. 

Pyihtaungsuh hlutdaw 2008 (constitution) daan hrampi zohsal ngaihtuah komaw committee cun 31 December ni kim hlan ah (constitution) daan hrampi zohsal ngaihtuah a si ding ih ramkhelh party fingfing in daan hrampi (constitution) remnak ah ruahnak pek thok a si. Atufang ah daan hrampi ih Ttaiyinta bangrep covo ngah ding le Cetral aana kaih tuknak tarlangmipawl rem ding ah ttaiyinta ramkhelh party pawl in ruahnak an pe zo ih daan hrampi pukmah(section) 59 ih an tarlangmi President quality cu rem a ttha ti ih ruahnak petu an mal tin theih a si.

2008 daan hrampi ih tel President quality an tarlangmi sung ihsin pukmah (section) 59 (F) ah mah rori  siseh, mah ih Nu le Pa pakhatkhat siseh, mah ih Nupi (or) Pasal siseh, mah ih fale taktak a simi pakhatkhat siseh, cumi mai fale taktak a si mi ih Nupi (or) Pasal siseh Ramdang Cozah ih finkhawimi a co tu (or) Ramdang Cozah ih kuthnuai mi a si tu (or) Ramdang ah ramdangmi sinak a ngah tu pawl si hlah seh tin an tarlang ih cumi an tarlangmi cun Ramdang rammi sinak a neitu fa pahnih nei Daw Aungsan Suh Kyi hrangah Prisident si theinak covo cu a dawnkham.

Shan Democratic Party ihsin U Ye Htun in daan hrampi zohfel ngaihtuah nak ah Taiyinta unity ding le ramsung ralbuai colhnak ding hrang hmuitin ih  a hleice in remtthat ding a bang ih President quality tarlangmi remding cu  a awllo, Aungsan Suh Kyi President ngah thei ding khal a awlo tin a ruat. “Democracy daanlotuk ih ukawdaan pawl thleng ding hi a pahnihnak hmuitinmi a si tin” U Ye Htun in a sim.

Ralkap Phituh hlutdaw palai a simi Colonel Tint San in President quality tarlangmi pawl remding ti a si ahcun lungkim lonak ka thehlut ding a ti. USDP cetral member a si mi Pituh hlutdaw palai U Aye Maung cun “2008 daan hrampi ih an telhmi President quality tarlangmi pawl cu 1947 kum daan hrampi ih telhmi pawl zohkop ih tuah salmi a si tin a sim. U Aye Maung cun daan hrampi rem ding ah daihnak siatsuah lo ding a thupibik ih Pukma 59 (F) rem ding le dinglo cu Hlutdaw par ah a tthum aw tin a ti.

Taiyinta silong ngingut ye party (တုိင္းရင္းသားစည္းလုံးညီညြတ္ေရးပါတီ) cun Taiyita bangrep covo co ding le aana zem aw daan bangrep ding pawl a thupibik ih President quality an tarlangmi cu a tu ih an tarlang bangin a kim cang ko ih remsal a ttul lo tin Hlutdaw daan hrampi zohfel ngaihtuah committee hnenah a theh lut tin theih a si.

“Daan hrampi remnak ah a thupibik cu Central kaih hruainak tiniam ding le Federal Pihtaungsuh system a si theinak ding le Taiyinta bangrep covo nei thei ding a si. Pukmah 59(F) ih an ngan vek ahcun Ramdangmi sinak a neitu fa le pasal pawl an thih hman ah President an ttuan thei cuanglo. Himi rem dingcun reltthat a ttul ih reltthat hnu lawng ah rem theih a si ding. reltthat a si lo ahcun a awl lemlo ding ih reltthal mi par lawng ah a tthum aw. Aana neitu pawl an lungkim lawng ah a ngah ding” tin Rakhai Toe-tet-ye party ih amyota hlutdaw palai U Khin Maung Lat in a ti.

Daan hrampi pukmah(section) 436 ah President quality ih telhmi pawl le a dang thupi deuh daan pawl rem duh a si ahcun Pihtaungsuh hlutdaw palai an zate ih 75% luan in rem ding ah an lungkim le Rampi huap ih me pe theitu a hrek ih lungkimnak lawng in rem theih a si tin a um.

http://burma.irrawaddy.org/news/2013/10/22/49912.html

(Visited 228 times, 1 visits today)

Comments

comments

Comments

%d bloggers like this: