Daw Aung San Suu Kyi (DSSK) Ziangtlukin A Lal Ding- Dr. Ro Ding

DAW AUNG SAN SUU KYI (DASSK) ZIANG TLUK IN A LAL DING?
(Position and Power of STATE COUNSELOR)

12974495_10154108462564494_2295515294897495412_n

Nov. 8, 2015 Burma Hril-awknak hlan ah NLD (National League For Democracy) President DASSK cun “NLD nih ka neh ah cun,Danpi (Constitution) in Burma President ka si thei nak in kham hman seh la President hnak ih LAL sawn ah ka um tho tho ding” zawk ah ka awm ang” tiin Au-hla “Election Slogan” a tuah ih, NLD nih “Landslide Victory” in MP seat 80% an neh in ta riai a si kha! Acozah thar khal March 30, 2016 ah kan nei a si kha!

30 March 2016 ah acozah thar ah DASSK nih Ministry 4 (Minister si nak 4) a lak a kha si ih, mi tampi nih “E khai.. a va buai zik ve?? A truan cawk kem?? Amah cu a fel zet nan, a daih aw pei maw?? Sinak le lalnak a pham tuk deuh a si lo maw?? kan rak ti deuh a si kha. Ministry a lakmi pawl kha…..
1. Foreign Affairs Ministry
2. President’s Office Ministry
3. Education Ministry
4. Electric power and Energy Ministry tla an si.

April 6, 2016 ah cun Minister of Education hrangah “Dr. Myo Thein Gyi” ret a ni ih, Minister of Electric Power and Energy hrangah “Pe Zin Tun” ret an si sal. DASSK cun official in ministry 2 lawng a kai thlang a si. (Minister in an ret sal mi, mithiam 2 hi March 30, 2015 ah acozah hnatraun sinak in an pension/bang fel rih lo ruangah DASSK nih a rak lak sung men kha a rak si)

Ralkap pawl in 2008 Burma Constitution kha anmah duhdan vekin, hrawkhrawl zet in an rak ngan mi kha si. Asi nan, an “hrawkhrawl nak” te (Constitutional Loopholes) kha hmangin thiam le fim zet in (Political Maneuver) “President Hnak ih Lal sawn OR President vek tho tho ih Lal si nak dirhmun” STATE COUNSELOR dirhmun thar chu ralkap pawl ih ngan mi constitution article (217) hmangin anan tuahsuak ta a si.

Hluttaw (Parliament) ah mipi hrilmi si lo ih rak to ve men mi ralkap palai (ruat cia mi seat ih to pawl) 25% nih himi State Conselor Bill hi duh lo nak lang tir in ding in an “Kant-Kuat” nan Constitution ih ngan mi rori a si ruangah an bang lak mai mai a si kha!.

Article (217) vek ih din suah mi “State Counselor” lalnak le thu neinak hi Parliament House 2 hlawmkhawm mi (Pyidaungsu Hluttaw) nih a pek a si i, Burma President nih a pek a si lo (Minister pawl vek in President nih a ret mi a si lo, Hluttaw in si nak le lalnak a pek a si; a fek zet mi a si!!)

“STATE COUNSELOR BILL” ah cun “State Counselor cun Pyidaungsu Hluttaw ai a awh ih, thurawn a pek thei, a tuahmi le a truan mi pawl cu Pyidaungsu Hluttaw aiawh in a truan/tuah ding a si” tiin a ngan.

Article 203 ah: (203. The President shall be responsible to the Pyidaungsu Hluttaw. The Vice-Presidents shall be responsible to the President and also to the Pyidaungsu Hluttaw through the
President.)
President cun Pyidaungsu Hluttaw “ai a awh” ih; Vice President 2 cun “President ai an awh ih, President hnen lawngin Pyidaungsu Hluttaw ai an awh” ti a si. State Counselor (DASSK) hi cu President level a si.(Vice president pawl hnak in a lal sawn!)

Article 16 ah: (16. The Head of the Union and the Head of Executive of the Union is the President) Ram lal bik le thu nei ber chu President a si a ti..
Article 57 ah : (57. The President and Vice-Presidents represent the Union); President le Vice President pawl chu “Ram ai awh an si” a ti sal.

A tlun ih dan pawl kan zoh tikah “State Counselor DASSK” cu President “TLUN” ih um cu a si ciah lo, ASINAN, President “TANG/HNUAI” ih um a si fawn lo!! “President thurawn petu, advisor/consultant” mai mai khal a si lo.

Curuangah “State Counselor” cu President vek ciah ih thu neinak le dirhmun a si ih, Pyidaungsu Hluttaw in a nemhnget zo mi a si. President in Article (218) nak hmang in State Counselor thu neih theinak le lalnak pawl famkim zet in “Law” a ron ngan in a than leh ding. Cumi Law ah cun DASSK lalnak leh thuneihnak fiang zet in a run lang mai ding. Rak zoh cio u sih.

Atu ah kan theih ding cu, DASSK hi STATE COUNSELOR si nak in Burma President vek ciah in thuneihnak le lalnak a nei… timi hi a si.

(Visited 277 times, 1 visits today)

Comments

comments

Comments

%d bloggers like this: