Daw Aung San Suh Kyi Le Tlangparmi Party Mino Thurelnak Nei

bawi lian khum
Bawi Lian Khum
February 28 ni ah Daw Aung San Suh Kyi le tlangparmi party mino pawl cu Daw Aung San Suh Kyi inn, Yangon ah thurelnak neih a si. Hi thurelnak ah tlangparmi party 6 ihsin mino 16 lai kan si thei. A dang sawm mi khal an um nan remcan lonak ruangah an ra tel thei lo. Chin Progressive Party mino in ka tel ve a si. Hi tivek rampi hruaitu ropi thawn thurel thei dingin damnak in pe tu Pathian thangtthat in um seh.

Daw Aung San Suh Kyi in, ramdingkhawm lunglut kan neih ding hi a thupizet. Ziangahtile kan rampi hi tlangparmi zate kom khawm ih dinmi a si bangin lungrualzetin kan ttuan a ttul. Cule miburpi uknak (majority) kan ti ttheu mi hi pahnihin sim a theih. 1nak cu miphun tamzet ruangah thunei theitu an si ih, 2nak ahcun miphun malte khal in cozahlam thuneihnak neitu an si. Hi karlak ah theihthiamawknak a um ding hi thil thupizet a si. Cule Kawlram sungah 8 State um duhtu an um ih asinan hi thil kan ruah ttulzetmi a si. Ziangahtile 8 State kan duh ti lai ah State tampi khal a suak ciamco thei ruangah a si. Anetnak ih a sim mi cu, mipi lamzawhnak timi hi democracy ih hriamhrei tthazet a si ih fimkhurten kan hman a ttulzet fawn,”tiah a sim.

Tlangparmi Party mino pawl khalin mahle hmuhdan cio kan sim ih kan zaten nelawzetin nazi 2 sung thu kan rel thei a si. Hmailam khal ah mino le upa kan zate in rampi tthatnak ding hrangah mahle theihtawkin ttuan cio dingin thazangpe aw in kan thurel cu lungawizetin kan ttheh.

Lungawi

(Visited 245 times, 1 visits today)

Comments

comments

Comments

%d bloggers like this: