David ih Thusuhmi

June 1

Tlawngkai Nihnih

David Ih Thusuhmi

Siar:

Saam 8

Milai hi ziang so a si ih na theih ringring?

Mihring hi ziangso a si ih a zawn na ruah? -Saam 8:4

Kumkhat Sung Baibal:

2 Sansiar.15-16

John 12:27-50

A

frican thufim pakhat cu “Thusuttu  cu lamzin a hlo lo ding” ti a si. Himi thuruah daan in kan ruat tikah Saam sungih David ih thusuhmi pawl theithiam dingah in bawm. David cu a nunnak lamtluan hrangah Pathian ih kaihhruainak hawltu a si.

A thusuhmi hrekkhat pawl cu: Pathian ih tumtahmi tuah suak hmuh a duh ruangih a suhmi, “Maw Bawipa, ziangtik tiang so hiti ih ka um ding? (Saam 6:3). Pathian in misual hman a ngaihven daan a mangbangnak, “Milai hi ziang so a si ih na theih ringring? (8:4). Pathian ih umpinak a hiarhal ruangih a suhmi, “Maw Bawipa, ziangah so a hlazet ah na um ringring? (10:1). Zo so Pathian thawn a um ding ti a theih duh ruangih a thusuhmi, “Maw Bawipa, na biakinn ah zo so a beu ding? (15:1).

David in a harmi thusuhnak pawl a nei dah. Pathian hnong in sualnak lamzin thlun tikah lamzin hloh hi ziangvek a si ti, a tep ngah zo. Hmanseh a tonmi thu harsa pawl parah Pathian ih duhnak a hawltu thlarau mi a si zia a canganmi pawl ah a langfiang.

Thusuhnak: David vekin thusuhmi na nei maw? Sut awla Pathian Ttongkam zumnak le Thlarau Thianghlim hnattuannak in a thu ngai in a lamzin ih a lo hruai tikah thlun aw.  – Dave Branon

Ka thinlung in thu tampi a sut,

Ka thinlung ih theih hiarhalmi pawl;

Maw, ka Pa, zaangfahten, i ngai hram aw!

Maw, Thlarau Thianghlim, i zirh ringring aw! – Verway

Thusuhmi neih cu a ttha,

Pathian ih a lehnak pawl hawl cu a ttha sinsin.

Comments

comments

Comments

%d bloggers like this: