David Bangin

August 23

Nipi Ni

 

David Bangin

 

Siar:

Saam 51:1-12

 

Ka tuah sualmi cu ka thei ih,

ka sualnak cu ka ciing ringring.      –Saam 51:3

 

Kumkhat Sung Baibal:

–   Saam 113-115

–   1 Korin 6

 

Nutar pakhat in a Pastor pa ih Zarhpi zingtin thla a cam daan a duh lo ruangah a sim. Zarh khat sungih a sualnak hmuahhmuah Thuthangttha a sim hlan ah phuang in thla a cam lomi in a thinlung a buaiter. “Pastor, ka pastor a sual ti ih ruah hi ka duh lo,” ti’n a sim.

 

Thlaraulam ih hruaitu pawl hi an sual lo tiah zum kan duh. A taktak ahcun sualnak phurrit ihsin olhmi Khristian zohmang an um lo. Paul in Kolose khua ih zumtu pawl hnenah, “Nan taksa duhnak cu that uh,” (Kol. 3:5) ti’n a zirh hngai. Caan tampi ah cuti’n kan tuah ttheu lo. Hniksaknak tong in kan buaizet. Asinan bawmtu nei loin cu kan taang lo. Kan nunnak remttha saal dingin zir ding le thlun dingmi kan nei.

 

Sualforhnak tuar thei lo ruangah a rung suakmi riahsiatnak pawl a tuartu David ih thinlung le canganmi pawl hi kan zir le kan thlun dingmi an si. Saam 51 ah David cu Pathian kehram ah a bok ih zaangfahnak a dil, a sualnak phuangin a parih Pathian thutthennak cu a dik ti’n a pom (cc. 1-6). Cuihsin a sualnak hlon sak ih kholhfaitu hnen ihsin thianhlimnak a hawl (cc. 7-9). Netabik ah Thlarau Thianghlim bomnak ih nun remtthat saalnak a dil (cc. 10-12).

 

Sualnak in na lungawinak le Pathian thawn nan pehzom awknak a lo fir maw? David bangin Bawipa lam hoikir saal aw.

 

Kan sualnak in kan lungawinak a cuaiter,

Pathian thawn in tthen;

Sualphuan le sualsirnak cun,

Nun rem tthat saalnak in pek.

 

Sualsirnak in Pathian thawn feh tlang dingin kan lamzin a fianger.

(Visited 23 times, 1 visits today)

Comments

comments

Comments

%d bloggers like this: