Danlo Vek Ih Malaysia Luttum Kawlram Mi 500 Rual Cu

plan-to-send-burmese-to-malaysia-1

Caleb L Ci Luai

LANGKAWI : Danlo ih Malaysia ramsung luhtum, Kawlram mi 500 cu kan dung Tlawngkai Ninga Ni ah Malaysia Police pawl cun Langkawi tipi ah an kaih thu tuini December 31, 2012 Tlawngkai Nikhat Ni ih suahmi Malaysia ramsung thuthangca The Star cun a tarlang asi.

Kawlram ihsin malasysia ramsung lut ding in in lawng thawn an ra ih, cumi an tomi lawng cu Langkawi tipi colhnak a thlen hlante ah Malsysia police pawl cun 28.12.2012 1:30 pm ah an kai ngah.

Cuti ih an hmuh veten mi 500 pawl cu 500 meter tluk tidai an leuhter hai ih, mi 449 pawl cu an kai ih, mi 50 tluk cu an relhlai ih, cumi tidai leuhsuak theilo mi 1 cu a thi hngal, mi 2 cu tidai an leuhnak ah an bangzet ih tua ah Langkawi Hospital ah an ret lai asi ti in thuthangca cun a tarlang.

Langkawi OCPD Supt harrith Kam Abdullah cun, “ Hipawl hin ni 15 tluk rei lawng thawn hitawk ra thleng ding in can an la ih, mi pakhat in lawng tonak man ah Rm. 1000 tluk an pek a zuum um nasa. Tu hrih ah cun langkawi Police Headquarter ah ret an si lai ih an thu rel an si lai ding.  Khawitawk state, ziang miphun an si ti cu theihfiang an si hrihlo. Cumi rualrual in, Kuala Nerang ah kawlram mi zo ti theih hrihlo ruak 3 an sar thu khal a tarlang cih hngalh.

Comments

comments

Comments

%d bloggers like this: