Danish Red Cross Society le British Red Cross Society in Myanmar Red Cross Society a Bawm

Jt Zung Lian Sang (Falam Red Cross Brigade 2 IC)

Hlawn Dawh Thang
Chinland Today
November 26, 2012


Falam: Danish Red Cross Society le British Red Cross Society palai pawl cun kan ram sungih bawmnak pe dingin an ra ih Chin ram ih bawmnak pawl tawlrel ding khalin Falam 26-11-201 ah an thleng tiin Chinland Today in thuthang kan dawng.

An tumtahbik mi cu kan ram sung ih Nu le Nauhak kum (5) tang pawl ih harhdamnak kilkhawi ding tim tuahnak (မိခင္ႏွင့္ (၅) ႏွစ္ေအာက္ကေလး က်န္းမာေရး စီမံခ်က္) a siih Sagain, Mukuk (စစ္ကိုင္းတိုင္း ah စစ္ကိုင္းၿမိဳ႕  နယ္၊ မႏၱေလးတိုင္း ah မိုးကုတ္ၿမိဳ႕  နယ္) le Chinram ah Falam, Matupi pawl ah kum 2013 ihsi thok in kum nga (5) sung 2017 tiang a veikhatnak hrang tuah a si ding thu khal Chinland Today in kan dawng. Tui ṭum ih Falam ih a ratu pawl cu Mariana (Russia), Dr Saw Nay Htunn (ေစာေနထြန္း), Daw Suu Nawi Wi (စုႏြယ္ေ၀), le Ko Myo Hine Thut (မ်ိဳးဟိန္းထြဋ္) pawl tla an si.

Kan ram pi sung ih hmun (75) le Chinram Falam khua ih hmun (9) pawl ah din a si ding. Chin ram Falam ih an dinnak ding pawl cu -1) Lianrih, Ngaizam (Khua khat ah an kom) 2)Za Lang 3) zatual 4)Ralum 5)Tisen 6)Varung 7)Duhmang 8)Zawlnu 9)Taal le Thang Zar (Khua khat ah an kom) pawl tla an si.

Himi Danish Red Cross Society le British Red Cross Society in Myanmar Red Cross Society cu American $ 53777140 သန္း an hmang ding. Falam hrangih zung cu Holly (Guest House) hlan an tum thu le Branch Project Officer Mai Mar Lar (မာလာ) lak an tum thu khal Chinland Today in kan dawng.
Falam ih Admin & Finance Assistant Post ding hrngah mi pathum pawl in dilnak an neih zo thu khal theih a siih zo an lak ding cu fiang zet ih theih a si hrih lo ih a ranglam ih lak an si ding thu Jt Zung Lian Sang (Falam Red Cross Brigade 2 IC) cun Chinland Today a sim.

Comments

comments

Comments

%d bloggers like this: