Daite’n Um Aw

October 14 

Tlawngkai Nithum

 

Daite’n Um  Aw

 

Siar:

Saam 46
 

­­­­­­­­­

Amah in, “Nan do awknak cu baang thlang uh, Keimah hi Pathian ka si kha thei uh; Miphun hmuahhmuah tlunah bawibik ka si ih leilung pumpi tlun khalah bawibik ka si thotho,” tiah a ti.     -Saam 46:10

 

Kumkhat Sung Baibal:

Isaiah 43-44

1 Thesalon 2

 

Ha tuahnak tokham parah ka to, ka ha ngetnak kua sung an run virh ding ttih ah ka ttang ciamco. A naazet khal le tuar dingin ka raalring cia. Ka mit-hmai le ka um daan ah ka ttih ti a lang. Ha siibawipa cun in zoh ih, “Ttih hlah, daite’n rak um men aw,” in ti.

           

Thil ol a si lo. Ttihzet cing ih ttih lo vek ih um tum cu a harzet. Ha tuahnak tokham parah lawng si loin thlaraulam nun thu khal ah cuvek in a si thotho.

           

Ha tuahnak hmun ih ka um daan vekin Khrih thawn kan pehtlaih awknak ah Pathian ih duh daan vek ih um loin ka duh daan in um ka tum ttheu. Cuih caan ah a harbikmi cu daite ih um tum, ziangvek thu hman ra thleng seh thungaithlak ih Pathian rinsan ding hi a si.

           

Saam 46:10 ah, “Nan do awknak cu baang thlang uhla dai te’n um uh. Keimah hi Pathian ka si kha thei uh, miphun hmuahhmuah tlunah Bawibik ka si ih leilung pumpi tlun khal ah Bawibik ka si thotho” a ti. Ka helhkam awk caan ah hih Baibal cang in thindai te’n um ih Amah thei dingin raalrinnak in pek. A kilkhawinak sungah hnangam teih ka colh thei lawngah hnangam tein ka um thei ding.

           

Bawipa, Na hnen lawngah colhdamnak a um ti kan thei,

Kan buainak cemter dingin in bawm hram aw;

In pek dingmi rinsan thei dingah,

Na duhdawtnak ttaang sungah colhdamnak kan hmu. Amen

 

 

Pathian in kan hmailam caan a thei,

A ttaang sungah him in kan um.

(Visited 30 times, 1 visits today)

Comments

comments

Comments

%d bloggers like this: