Daite'n Um Aw

September 2

Tlawngkai Nili 

Daite’n Um Aw 

Siar:

Saam 46 

Dai te’n um awla Pathian ka si kha thei aw.     – Saam 46:10 

Kumkhat Sung Baibal:

–   Saam 137-139

–    1 Korin. 13 

Kan leilungpi ah awn-au thawngvang a tam sinsin. Asinan thuthangca pakhat in: “Science thiamnak in dai khepkhep ih um theinak ding blue print a tong suak zo, acoustic cloak” timi, thildang in aw-siat thei lo dingih a kham theitu thil pakhat scientists pawl in an tuah zo,” tiah a than. New Journal of Physics khal in, “Cuih thil cu awlut le awsuak kham theimi inn le hlasaknak khaan pawl ah hman thei a si ding,” tiah a ngan.      

Pathian thawn dai te’n caan hmannak ding hmun kan hawl tikah cuih thil cu neih kan duh ve ding. Hmanseh a lenglam awn-au um loin a dai khepkhep hmanah thinphannak timi sunglam awn-au in kan thinlung a hnaihnokter thei. “Dai te’n um awla Pathian ka si kha thei aw,” (Saam 46:10) tiah simmi kan si. Asinan a taktak ah kan thinlung cu ziangti’n dai te’n kan umter thei ding?       

Pathian in hrial thei loin vansang kan lamnak a theih ruangah kan thinlung daihnak hrangah Amah ih acoustic cloack in pek. Kan thinphannak cu Amah ih daihnak thawn thlengh awk ding a si. “Ziang thuhla hman ah donhar in um hlah uh; thla nan cam poh ah nan ttulmi cu Pathian hnenah dil uhla lungawi aipuang te’n dil uh. Pathian ih daihnak in nan thinlung le nan ruahnak cu Khrih Jesuh thawn nan pehzom awknak sungah him te’n a ret ding” (Filipi 4:6-7).      

Thiltitheitu Pathian kut sungah kan thinphannak kan ret tikah Amah lawng ih pek theimi thlangam daihnak kan ngah.     – Dennis Fisher 

Dai te’n um awla Amah cu Pathian a si kha thei aw,

Lamzin cu a hrap ih a har ruangah;

A rak kenmi thil hnakin Amah cu ziang a si timi cu,

Kan hrangah a tawk ringring ko ding.     – Anon. 

Pathian in A hmaika ah dai te’n a umtu pawl cu daihnak a pek.

 

Comments

comments

Comments

%d bloggers like this: