Daihnak Thawn Leitlun Ram 196 A Tlawngtu Dawt Hniang

America mi, Cassie De Pecol 27, cu leitlun ram 196 lenglo, thla 18 le ni 26 sungah a tlawng thluh thei. Leitlun ih ram tlawng tambik le khualtlawng cakbik tiah Guinness World Record cun a hminsin cih.

A khualtlawnnak ih a tumtahbik mi cu leitlun ram kip ah tlawn ih mipi pawl thawn, tonawk ih rualremnak tuah vivo ti a si. Asinan, North Korea ralkap hotu hnen ihsin cun “America kan lo siatsuah thluh ding” tivek awkam tla a dongsong. Visa mi pe duh hrot lo ram pawl tla a hmaton vivo thotho.

A khualtlawn nak hrangah US$198,000 lenglo a hmang. Ram 50 lenglo a tlawnnak ah thingfa pawl tla a phun ngah. A thlennak ram pawl ah mipi hmaiton ih a biak mi an tam zet ih tlawngta 16, 000 lenglo pawl hmai khalah thusimnak a nei.

De Pecol hi tourism ih hotulubik pakhat a sivekin, a kum 23 lai ihsin leitlun ramkip heel in kan leitlun hrang daihnak, zalennak le tanrual khawmnak thu hlan vivo a rak tumtah mi a si. Mani ah lengdawh, dawt hniang hin kan leitlun ram 196 heel suak dingih a sunmang cu a kimter ta a si.

– The Straits Times

(Visited 140 times, 1 visits today)

Comments

comments

Comments

%d bloggers like this: