Daan Leng ih Um Myanmar 173 Malaysia Palik In Kai

11140414_769635179822511_4543285897620274156_nSUNGAI PETANI: Malaysia ramsung ah daan leng ih um Myanmar 173 pawl cu Kedah Imiigration Department in an kai ih kaihmi lakah naute thla (1) pakhat tla a tel tiin ramsung thuthuang The Sun Daily in April 10 ah a ngan.

Kaihmi pawl hi mipa 80, nunau 46, le nauhak 47 tla an siih naute suakpek le kum (75) hnak tar tla an tel thu palik bawi Mohamad Yusri Hashim in a sim. An lak ihsin mi (4) pawl cu Malaysia ram sungah caan tawi um theinak Malaysia card nei an si ruangah National Registration Department ah kuat an si ding tiin a simbet.

Hih kaihkhih cangvaihnak ah mikai theinak ttuanvo neitu 177 pawl an tel ih Myanmar mi 195 pawl cu Kampung Bakar Bata le Kampung Masjid hmun pawl ah an check hnu 173 cu kaih an tuar a si.

Ziangruangah an kai ti thu ah, cutawk hmun ah Myanmar mi an um tam vivo tikah ram neitu inntek pawl in thinphang in complaints ruangah a si tiin Mohamad Usri cun a sim.#

-The Sun Daily (Bernama)

(Visited 554 times, 1 visits today)

Comments

comments

Comments

%d bloggers like this: