Cuvek Rualpi A Si Lo

January 17

Tlawngkai Nili

 

Cuvek Rualpi A Si Lo

 

Bible Siar Ding: Matt. 26:45-56

 

Jesuh in, “Ka rual, na tummi cu tuah zaang sawn aw,” tiah a ti.

–         Matt. 26:50

 

Mi hrekkhat pawl cu “rualpi pawl (friends)” tiih kan kawh awknak in kan rualpi ttha an si ringring ding asilole an mizia hi rualpi ttha an si ringring tiih aamahkhan a theih lo ding.

Gethsemane hmuanduum sungah, Jesuh in rualpi sinak phun thum a hmu, ih rualpi si lo vek rori in tumhrim ih tuahnak tla kan hmu thei. Judah Iskariot cun Jesuh cu hnamnak (kiss) in a zuar. Peter cun Jesuh ih zirhmi vek thlun loin an raalpa parah a cangvai. Dungthluntu zate in an tlansan.

Rualpi ttha sinak taktak cu pakhat le pakhat zawnruah awknak le bom awk tonnak in langter ding a si. Pathian thawn rualpi kan si theinak hi Amah lam ihsin hramthokmi a si ti cu kan thei thluh. Pathian cu kanmai’ tthatnak ding hrangah a cangvai ringring ti tla kan thei. Pathian in kan hnen ihsin ziangmi cangvaihnak a ruahsan pei? Jesuh in, “Ka thupekmi nan tuah ahcun ka rualpi nan si,” (John 15:14) a timi ah thulehnak in pe zo. Pathian in zumtu a fale pawl kan hnen ihsin a ruahsanmi cu Amah kan zumfek ding le A thupekmi kan thlun ding lawng hi a si.

Rinnak ih nun (by faith) le thuthlunnak (obedience) nun cu – Pathian rualpi pawl ih kan nun daan ding hrimhrim a si.

 

Vancung ih um kan Pa, keimah le keimah cu Pathian rualpi ka si, ka ti aw ko nain Na rualpi vekih ka nun thei lomi parah in ngaidam hram aw.

Rinnak le thuthlunnak hi Pathian ih rualpi diktak sinak hniksaknak tahfung an si. Jesuh in camipuai na ong in ti pei maw? Cu lo asile Pathian thawn rualpi ka sinak langter thei dingin ka mizia ahhin ziangmi si thlengh ttulmi a um?

 

@Ava Pennington

Comments

comments

Comments

%d bloggers like this: