Cuti’n Tong Hlah

March 9

Tlawngkai Nikhat

Cuti’n Tong Hlah

Siar: Seemtirnak 3:9-19

 “Bawipa, ziang tuahter so in duh? Tho awla khuapi sungah va feh awla na tuah ttulmi kha an lo sim ding” tiah a ti.  – Tirhthlah 9:6

Kumkhat Sung Baibal:–          Daanpeksalnak 8-10 –          Marka 11:19-33

 Hnattuan daan ruahnak petu website in hrial dingmi ttongfang pawl a sim. Tthimnak ah: Thuneitu in hnattuan a lo fial tikah, “A si, harnak a um lo,” tivekin na ttuan lo dingmi le na thlun lo dingmi thu sim hlah. “Ttong vekih ttuan lo pa” an lo ti ding. “Cumi cu kei thawn a seng lo” tivek khal ttong pang hlah. Cupa ih bomnak na ttul leh thei men.

 Website in ruahnak a pek betmi cu: Thubuai pakhatkhat a um pang asile na boss hnenah “Keimai’ sual a si lo” tiah midang na mawhthluk lo le a tthabik.

  Midang mawhthluk cu Adam le Eve in Pathian hnenih an simmi a si. Anmah cu sia le ttha thleidan thiamnak thingrah ei lo dingih simmi an si (Seem. 2:16-17). Asinan A thu an ngai lo ih Pathian in a ton hngai tikah Adam in Pathian le Eve a mawhthluk hngai ih Eve in rul a mawhthluk (Seem. 2:9-19). “Keimai’ mawh a si lo,” an ti.

Pathian in, “tuah aw” “tuah hlah aw” in timi thu ah zianghman ttong ding kan si lo. Tthimnak ah 1Kor. 13 sungah Khrih vek nunzia nei ding fiangte’n in sim nain, “Cumi cu tuah duhnak ka nei lo,” “Ka ti thei zawng a si lo,” tivek ttong dingin tukforh kan tuar ttheu.

    Pathian in ziang tuah dingah a lo duh? Ziangti’n na sawn pei? “Ka ttuan ding, Bawipa,” na ti pei maw?

Pathian in famkim thuthlunnak a duh,

Phuahlam tuah a ngah lo;

A Thu le Thlarau in A duhnak an langter,

A zate in kan thlun ding.

 

Pathian thu ngai dingin a saangbikmi thapetu cu

        A lungawiter duhnak a si.

Comments

comments

Comments

%d bloggers like this: