Cumi Hnu In

September 18

Tlawngkai Ninga

 

Cumi Hnu In

 

Siar:

Seemtirnak 13:10-18

 

Atu caan ih harsatnak kan tuarmi hi kan hnenih a langlai dingmi sunlawinak thaw cun tatthim tlak ah ka ruat hrimhrim lo. – Rom 8:18

 

Kumkhat Sung Baibal:

–   Thufim 30-31

–   2Korin 11:1-15

 

Hih leitlun ah minung phun hnih in kan um: phunkhat cu kumkhua hrangih khuacuannak neitu an si ih a dang phunkhat cu atu fangte tikcu caan hrang lawng a ruat theitu le khua a cuantu an si.

 

Phunkhat cu kumkhua a hmunmi thil ah thinlung phumtu an si ih, a dang phunkhat cu a liam reromi thil in an thinlung khuaruahnak a hiip hngai. Phunkhat cun vancung ah hlawnthil an khawl ih a dang phunkhat cun leitlun ah hlawnthil an khawl. Phunkhat cun hih nunnak hi a zate a si hrih lo ti an thei ruangah sawmngiarmi tthit umnak ah rin-umzet in an um ih a dang phunkhat cun hih leitlun nunnak hi a zate a si ko tiah zum in an koppi mipa/nunau thawn tisa nunnomnak an hawl. Phunkhat cun farahnak, rilrawnnak, mualpho ningzahnak kha lungtho te’n tuar an duh, ziangahtile “a langlai dingmi sunlawinak a si” ti an thei(Rom. 8:18). A dang phunkhat cun nunnomnak cu lennak le hminthannak ruangah a si ti’n an zum. Himi pawl hi khuacuanh daan le hmuh daan pawl cu an si.

 

Abraham in leilung dang a cuan. Curuangah ram ttha a taansan ngam (Seem. 13). Pathian in a hrangah thil ttha sawn a nei ti a thei. Pathian in a hmuh bannak tiang ram a cuanter ih vutnel zat tam tesinfa pek dingin thu a kam (c. 16).

 

Mi tampi in hih thu an thei lo ih atu caan hrang lawngah an nung ttheu. Zumtu thutak thei pawl lawng in Pathian in an hrangah thil ttha a neih an theithiam.

 

Sui le ngun hnakin Jesuh neih ka duh sawn,

Siar cawk lo lennak hnakin Amah ka duh;

Ziang dang hnakin Jesuh neih ka duh,

Leilung ih tuihsun i pek theimi thil hmuahhmuah hnakin.

 

Jesuh hrangah nung awla, kumkhua na nung ding.

(Visited 17 times, 1 visits today)

Comments

comments

Comments

%d bloggers like this: