Cuih Hmin

December 13

Tlawngkai Nili

 

Cuih Hmin

                                                           

Bible Siar Ding: Tirh. 5:17-31

 

Hipa hmin in thu nan zirh nawn lo pei, tiah fekzet in thu kan lo pe zo ti nan thei lo maw? Asinan nan tuah thotho.

  –  Tirh. 5:28

 

Kan nunphung in thlaraulam pianzia a phunphun cu thapeknak a um lo ahcun a zawi thei thluh. American mi hmaisa Red Indian pawl ih biaknak ihsin thok Nisuahnaklam rammi pawl ih biaknak tiang tel in thlaraulam cangvaihnak hmuahhmuah … Jesuh hmin kan saal hlan tiang cu nuncan ziaza tthatnak dingah ti’n an pom thei thluh! Curuangah raalrin a ttul.

Tirhthlah (apostle) pawl san ah himi vek buainak (problem) an rak tong dah. Anmai’ san ih biaknaklam hruaitu pawl in “hi mipa hmin” in thu nan zirh lo pei ti’n fekzet in thupeknak an tong (Tirh. 5:23). Khamnak nasatak um cingin tirhthlah pawl cun an thu cu an ngai duh cuang lo.

Kannih tla nunphung tangah kan um pang maw? Pathian thu cu kan rel nain Jesuh hmin kan saal ngam lo pang maw? Thlaraulam thu cu kan sim na’n Thlarau Thianghlim thu sim ngam lo tla kan si pang maw? Thlaraulam khihhmuh awknak cu kan zirh na’n Bible zirh loin kan um pang maw? Asilole tirhthlah pawl vekin milai thu hnakin Pathian thu sawn kan thlun?

Kan ral pawl ih theih duhbikmi cu Jesuh ih hmin lawng hi a si, a hnekih kan hnek ciamco lo ahcun. Vansiatnak ah, Christian pawl in Jesuh hmin cu midang hnenah lo theih lo ih cosang dingih va hneknak in kan siatsuah ve. Tihzah upatnak thawn Pathian hnenah pan dingih sim si loin.

“Jesuh” hmin cu mikip hnenah an lunglut dingin neem te’n sim uhsi!

 

Bawipa, Rundamtui’ hmin cu ziangti’n ka sim ding ti in theihter aw.

Mi hnenah Jesuh hmin sim ngam loin ka um maw? Dodalnak um lo te’n Rundamtui’ thu mi hnenah ziangti’n ka sim pei?

@Ava Pennington

Comments

comments

Comments

%d bloggers like this: