Cuba Ram President Bangorel Fidel Castro Ih Thutawi

15267690_1181235131965054_2506711339442525127_nFibi Mate

Cuba ram President bang Fidel Castro cu kum 90 mi si in, kan dungkar ninga zan ah a thi ih, an ram pum in December ni4/ nikua sung an suun ding.

Tuisun in a ram mipi in Castro ih ruang hi upatnak pek theih a si. President hlun sunnak an neih sung hi, zu zuar siang a si lo ih, concert, leknak le nawnnak phunphun hi khar hrih a si ding.

Fidel Castro in Cuba-ah kum 1959 in a uk thok ih, kum 49 sung a uk ih, communist ram a din.

Castro hi kum 2006 in a ril lam ruangah nasa tak in a naa ih, hi a natnak in a dam ttha thei nawn lo ih, mipi hmuh khal ah a lang khat tuk thlang.

Ram hruaitu dangdang pawl cun Cuba hruaitu hlun an ui thu an rel ih, US President-elect Donald Trump cun Castro cu dictator rawng tak ti’n a rel. Russia President Vladimir Putin cun Castro cu Rusia ram rual pi ttha le rinsan tlak zet a si ti’n a rel.

Fidel Castro

1926 : Cuba, Oriente Province-ah a suak

1953 : Batista rorelnak a dokalh ruangah kaih a si.

1953 : Thutiam kamnak thawn Thawng inn ihsin suah ter a si.

1956 : Che Guevera thawn cozah thawn doawknak an phuang.

1959 : Batista neh in Cuba prime minister ding ih lakluh a si.

1961 : Bay of Pigs lak tum ih bei tu pawl do sal tu a si.

1962 : An ram sungah USSR-in nuclear missile ret a sian.

1976 : Cuba Naitonal Assembly-in president dingah an hril.

1992 : Cuba refugee pawl thuhla US thawn remawknak an tuah.

2006 : A hriselnak a tthat nawn lo ruangah a nau Raul Castro hnenah a sinak a pe ih, kum2 hnu ah president ihsin a bang.#

(Visited 33 times, 1 visits today)

Comments

comments

Comments

%d bloggers like this: