CT Chief Editor Vahvaihnak New Delhi ihsin Melbourne Ah

11008768_1537545926511045_5146764177368374425_n

Australia, Melbourne Airport

New Delhi|19 January

Chinland Today Chief Editor Salai Uk Lian cun Australia, Melbourne ah vai dingin a vahvaihnak New Delhi cu 16th January, 2013 ah a suahsan ih Chin mi 3000 lenglo umnak Melbourne ah 17th January ah tluangten a thleng. CT Administrator leh tuanpi sungkha unau pawl khal in lungawi zetin an rak hmuak.

Vahvaihnak Vai ram (….Vavaihnak tin ka ti dan kelten aw!) suahsan ding ngaingai cu taktak te cun thinlungin a rem thei nawnlo. Kum 13 sung ka can hmuahhmuah cem ih miphun hrang ka theitawk ka rak tuannak hmun suahsan ding cu ka seherh zet, ram thangsonak hmun ihsin tamsawn tuanthei kan zuam sinsin ding, thinlung ah Vahvaihnak ram ih tuanpi pawl leh miphun pi pawl nan cam ringring ding’ tiin a thlahtu sungkhat laina pawl leh a tuanpi pawl hnenah a seherhnak thu khal a sim. CT ih zofeltu lu bik lawng silo in New Delhi ih calai dangdang humhualnak khalah nasa zetih tuantu a si. Delhi ih calai leh thuthang, Lailun Thuthang, Voice of Exodus, Kuakuai Aanka pawl khalah zohfeltu a siih nun phung leh calai humhualnakah nasa zetin hmalaknak a nei.

Australia, Melbourne ih CT palai pawl khalin an rak hmuakih tonkhawmnak khal an nei cih. CT hmailam ih hmalak danding pawl leh rua hmannak dangdang khal tamsin nei dingin an tonkhawmnakah cun an rel khawm. CT adminstator Van Bawi Lian khal cun vahvaihnak suahsan ih Melbourne a ra thlen thei cu a rak lawm zet ih CT palai pawl tonkhawmnak khalah hmuahnak leh lawmnak ‘CT zohfeltu lubik Melbourne a ra thleng theiih kan hmalaknak khal tampi kan that hnem phah ding, Australia in kan lo hmuak’ tiin lawmnak thu a ram sim.

Salai Uk Lian hin kum 1998 ihsin Kawlram harsatnak ruangah beunak hawlin India ram a thleng ih Bachelor of Theology  le Bachelor of Art Honours (Political Science) zirin kum 13 sung India ram khawpi Kota leh New Delhi pawl ah a can a hmang. 2008 ihsin CT Chief Editor ah kaihsan a siih tu ni tiang Chinland Today website ah zohfeltu lubik a si hrih.

(Visited 56 times, 1 visits today)

Comments

comments

8 Comments

  1. Dear Chief Editor,

    Na thlennak ah CT le Chin-mipi hrangah pumpeaw theitu si vivo hram aw.

  2. AW…CT cak sinsin sehlaw. Zo ih hlawhpek lo ahcun CT Team pawl ih nan hnatuannak cu kan miphun hrangah ROLUNG thatuk nan phun a si.
    Nan tuannak ah Pathian in lam lo hruai vivo seh.

    CT a nun khua sau hramseh.

  3. Pathian in kan ram le miphun hrangah dam saunak lo pein, lo khaisang vivo hramseh.

  4. Ukte,

    Bawipa in damnak le damsaunak lo pe hram seh!!!
    Kan ram le miphun kaihruaitu ah khal lo hmang vivo hram seh!!!

  5. Zilthli Lal Nei Thluai says:

    CT chief editor Uk te le CT admin Bawite hmunkhat te ah an vun umtlang ding cu CT cu tuhnak in a ke kar a cak sinsin dg ti cu simcia theih tluk a si. Nan zuam cia zonak parah ka lo upat tuk. Bawipa’n lo hmang sinsin hramseh Ram le Miphun hrangah

  6. Dear Ukte,
    Autralia ah na thleng ko nan khaw fate tluk ih an relzomi leilung pi sungih kan neihmi CT cu na computer ah a um ko.

  7. Uk te cu lungawi um ee kei tla ka zuk ka hmu aw ve.
    Pathian in lo hruai vivo hram seh law lungawi tuk lawlaw.

  8. Ka thuhla hmun hnih ah kan rak ngan si maw…!

    Ram dangdang ih kan rak ngan ruangah a si ding.
    In comment ih duhsaknak in hlantupawl zate hnenah lungawinak simcawk ka nei.

Comments

%d bloggers like this: