Critiano Ronaldo leiltun bawhlungsit thiambik

ronaldo_balancing_ball

16-01-09

 Manchester United le Portugal bawhlungsit thiam hminthang Christiano Ronaldo cu ni 12-01-2009 zingah kum 2008 FIFA leitlun bawhlung sithiambik a si tin lawman pek a si.

A hlan ih rak hmin thang; 2007 FIFA bawhlungsit thiambik lawmman rak dawngtu Kaka (Brazil), Lionnel Messi (Argentina), Fernando Torres (Spain) le Xavi (Sapain) pawl a hlawih ta riai.

 

 

A sinak diktak

* A Hmin pum                                  : Cristiano Ronaldo

* A tannak hmun                           : Hmainawr (Winger)

* A kum                                             : 23

* A Hlawh                                         : £120,000 (zarhkhat a hlawhmi: £31 million)

* A bawhlungsitnak Club             : Manchester United

* 2007-08 ih a goal zat                  : 42

* Vote a ngah zat                          : 935

Sunlawini a si

Zurich Opera House-ah bawhlungsit lam ih pawimawh zual pawl an tawngaw khawm ih himi hmun ah bawhlungsit thiambik lawmman khal peknak neih a si.

Mikip ih an rak zum cia bangin Ronaldo cu leitlun bawhlung sithiambik (2008) ah an thlang suak ta a si. A thlangsuaktu pawl hi FIFA hnuai ih Nation team coach le Captain pawl an si, a zaten ram 155 in vote an thla.

Ronaldo in point 935 a hmu ih a pahnihnak cu Barcelona ih lek rero lai Argentina midfielder Lionel Messi (678) a si ih a pathumnak a ngahtu cu Liverpool le Spain striker Fernando Torres (203) a si.

Hi cawimawinak rak dawng zotu AC Milan le Brazil midfielder Kaka chu palina a si (183), Barcelona midfielder Xavi Hernandez (155), Liverpool captain Stephen Gerrard (98) le Barcelona Cameroon striker Samuel Eto’o (58) pawl in a dung an thlun.

Ronaldo cu Leiltun bawhlungsit thiambik ti a si ih bet ah lawmman dawng tambik khal a si.

2008 ih a dawn mi lawmman

Premier Leagues /Champion leagues/ Community Shield / Fifa World Club Cup/ Football Writers’s Player of the year/ FIFA Player of the Year/ Golden Boot/ Ballon d’Or/ FifaPro World Player of the Year/ Fifa Worl Player of the year.

Ronaldo hi khawte innsang ih rak thanglian so vivo a si bangin Lisbon khawpi ih a veikhatnak bawhlungsit dingih an rak sawm lai khalah an rak hnihsan men mi a rak si ve.

Ka lungawi tuk

“Tuini ih bawhlungsit thiambik lawmmman ka dawng hi ka lungawi tuk a si. Ahmaisa in ka nu le pa le ka u nau zate parah lungawithu ka sim duh.

Cun ka rualpi pawl, ka rualpi pawl cu zo an si ti an mah in an rak thei mai ding…ka caan sunglawibik a si tin ka phuang ih a ropi ka ti nasa. Hi ka dinnak hmun rori ih ding le sal ding khal ka duh a si” a ti.

In sertu ka saya pa

A hleice in bawhlung sithiam ding le hminthan ding ih a rak tuahtu le a sertu a saya Alex Ferguson hnen khal ah a lungawinak a hlan.

Hi a saya pakhat lawng fak tawk a ti loih Portugal ih a saya pawl hnenkhal ah hivek dinhmun tiang in khaisungatu hi ka saya Alex le Luiz Felipe Scolari pawl an si a ti sin.

A hlan harsatnak malte

2006 World Cup ih thil thleng pawl kan thlir kir sal ding. Quarter Final ih England le Portugal an lehnak ih Ronaldo le Wayne um daan na mang lai maw?

Rooney an dawisuahnak ahkhan Ronaldo an pu ih Media pawl in an duhduh in an rak sawisel ciamco a si ta lo sawm…? Cutin England ram ih an minung huatbik tiang a thleng. An hnawng ih an hlawnhlo hnu ah England ti hmin thatu ah a suak sal a si.

Nunau le lawmman dang pawl

Nunau lakih FIFA World Player of the year a ngahtu cu Brazilian nu Marta a si. Olympic Silver medal a dawngtu Marta hin Point 1002 a hmu ve ta riai aw.

A zawnzawn in lawmman thiambik sinak veithum a dawng. Pahnihnak cu German nu Birgit Prinz a si ih point (328) a hmu. A pathumnak cu Brazilian nu thotho a si ih point (275) a dawng.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Comments

comments

Comments

%d bloggers like this: