Crazy Horse

March 23

Tlawngkai Nikhat 

 Crazy Horse

 Siar: 1Samuel 7:3-12

Samuel in lungto a laak ih, “Bawipa in lamzin tluan in bawm a si,” tiah a ti ih Ebenezer tiah hmin a sak.      – 1Samuel 7:12

 Kumkhat Sung Baibal:   Joshua 13-15   Luka 1:57-80

 1876 kum ah Sioux hruaitu Crazy Horse cu Little Bighorn ih kap awknak ah raalbawi pa Custer le a raalkap pawl neh dingin Sitting Bull raalkap pawl thawn an kom aw. Rei hlanah mangttam ruangah Crazy Horse cu US raalkap pawl hnenah a sungkhan. A tlan tum ih an kap that. A thuhla cu riahsiaza in cem hmansehla  namneh tuartu pawl hminsinnak hruaitu ralttha ah a cang.

         South Dakota, Black Hills ih amah hngilh lonak zuk cu pi 641 a sau ih pi 563 a saang. Rang a cuangmi cuih zuk cun a milai pawl lamzin a khihhmuh.

Kan dung kum thawng lenglolai ah profet Samuel in a danglammi hngilh lonak lungphun fate a rak tuah. Phillistines pawl thawn raal an do awklai ah Samuel in Israel pawl bawm dingin thla a cam tikah Bawipa in a let (1Sam. 7:10). Lungawinak langternak ah Samuel in lungto a phun ih Ebenezer tiah hmin a sak. Bawipa in lamtluan ah in bawm (c.12) tican a si.

            Samuel in kan thlarau khualtlawnnak lamzin in khihhmuh. Kannih khal amah kan biak ih kan ren thei venak dingah Pathian ih rinsan tlak sinak in mangtertu thil ah kan hmang thei. “Bawipa in lamzin tluan ah in bawm a si,” ti’n ciinkennak dingah a si.

                                                                                          Tuah suak ttulmi

                                                        Thlarau thuthangca nei awla Pathian thluasuah pawl ngan aw,

Na thlacamnak a lo lehmi pawl ngan khum aw;

Pathian in na nunnak ah ziang a tuah suak ti na rualpi sim aw.

 

 

Lungawinak cu a nuammi thinlung pakhat ih hminsinnak a si.

Comments

comments

Comments

%d bloggers like this: