Connecticut Tlawnginn Sung Kapawknak Ah A Malbik Mi 27 Thi

ap-connecticut-school-shooting-4_3_r560America ih thuthang latu pawlin Newtown, Connecticut ih um Sandy Hook Elementary School tlawnginn sungah meithal keng pakhat in mi a kap ciamco ruangah nauhak pawl telin a malbik mi 27 an thi ti’n mani Tlawngkai Ningani, 14.12.12, ah an sim.

Cu tawkih um tlawngta pakhat ih a pa khal a thi ve ti’n CBS News thuthang cun a simih, CNN thuthang in cun a thitu pawl lakah tlawng principal le psychologist pakhat khal an tel ti’n an sim.

A kaptu hi mi pakhat lawng a si lo tiin khal thuthang a suak nan hnemhngeh a si hrih lo. Ziangahtile meithal kap tuartu pawl an buaituk ruangah a si. Sandy Hook Elementary School ahhin nauhak kum 5 in 10 tiang an zirh.

Atu ih thilcangmi thawn pehpar in tlawngta nauhak pawlih nu le pa pawl lakin pakhat in, “Thil raapthlak zet a si,” ti’n a sim. Cun, “Zozo khal, tlawngta, nu le pa ti neih loin an ṭap an raak thluh a si ko. Tlawngta nauhak tete pawl cu thinai an khat ṭheh. Ziangruangah hiti’n thil a tuah ti khal ka theithiam lo,” ti’n a simbet.

TV pawl ahcun police mawṭaw le siizung mawṭaw pawl manmawh takin an cangvai rero ih, a tangmi nauhak pawl khal an nu le pa in an tlunpi rero cu an langter.

Comments

comments

One Comment

  1. Casiartu zate,
    Tlawngta nauhak phun 5-10 timi kha kum 5-10 sawn a si.

Comments

%d bloggers like this: